يافهيد وصل خطنا للبعيجان

[عبدالله الرويثي]

السلام عليكم ورحمة الله وبركاته=
اعزائي هذه القصيده المتواضعه ارسلتها لشيخ محمد بن بعيجان العصيمي =
والشيخ فهيد منور الحربي =
عسى ان تنال على رضاء الجميع =
مبداي بأسم اللي فرض خمس الاركان = الواحد المعبود رب البريه
اللي لحمكه يسجد الانس والجان =ماله شريك (ن) بالعباده سويه
يافهيد وصل خطنا للبعيجان = مني لابو تركي سلام وتحيه
سلام كنه نظم لؤلؤ ومرجان = وبالشعر قدمته لشخصه هديه
محمد بعيجان لطيب عنوان = ومواقفه بالطيب دايم وفيه
رجل (ن) كريم والاصل ساس عتبان = اعتيبه الهيلا رجال الحميه
قبيلة (ن) بالفعل والقول شجعان =تشهد لهم كل القبايل بذيه
لطامة العايل لمن كان غلطان=طبع العتيبي وقفته مع خويه
عزالله ان محمد اخلاق وانسان = وفي ميزة الاخلاق ماشفت زيه
فيه التواضع والمكارم والاحسان = الله يجيره من صدوف المنيه
بالمدح له تنساق عذبات الالحان = ويستاهل التمجيد ميه بميه
اقولها والله من قلب ولسان = والله يعلم بالامور الخفيه
وفهيد له مني شكر(ن)وعرفان = حيث ان ابو طارق عزيز(ن)عليه
عبرت عن مصدر اشعوري على شأن = بالشعر اهنيكم بعيد الضحيه