يابنت ماحنا بلندن وباريس

[نايف ابن حديد]

اجتماعيه عسى ان تلقى الاستحسان

يـابــنــت مـاحــنــا بـلــنــدن وبــاريـــس=حــتــى تشـيـلـيـن الـغــطــى والـلـثـامــه
ادنـي بجلبـاب الحيـا واخــزي بلـيـس=مــادام نـايـف فــي قـصــور اليـمـامـه
نايـف مهـديّ مـن بـراسـه نعاطـيـس=خطوى ابلجٍ يجل العماس انصرامـه
لــه كلـمـةٍ يمـحـى بـهـا كـــل تـدلـيـس=ولــــه وقــفــةٍ مــاقــد قـفـتـهــا مــلامـــه
وقف لريح العلمنـه فيـس تـو فيـس=مـتـيـقــنــن بالله وشــعـــبـــه حــــزامــــه
ومـكـرسٍ جـهـده لنـصـرتـك تـكـريـس=مايـقـربـونـك لــيــن تــدفـــن عـظــامــه
لايـاخـذك حـكـي العـفـون المفـالـيـس=الــلـــي يـقــودونــك لـــريـــع الــنــدامــه
يفـرح ليـا دهـواك هيـسٍ ولـد هـيـس=مــافــيــه لاغـــيـــره ولابــــــه شــهــامــه
لاتحسبيـن بكشـفـة السـتـر تنفـيـس=الــى ضـيــاع وقـــل عـقــل وغـشـامـه
فــي ذمـتـي يــام العـيـون النواعـيـس=ان الـحــيــا ثـــــوب الـنــقــا والـكــرامــه
من تلبسه يهنى لها عرش بلقيس=لـو هـي بـخـدرٍ فــي سـواحـل تهـامـه
كـم واحــدن مــرك ومــر الوسـاويـس=اقـفـى علـيـه مــن التعـجـب عـلامـه
والا رجــــع يــمــك وجــالــه مــراويــس=مـــرواس كـــدريٍ لـمــح لــــه حـمـامــه
عفي وحطي دون عرضك متاريس=والـمـجـتــمــع لاتـفــقــديــن احــتــرامـــه
انصـحـك مــاودي لجـوهـرك تدنـيـس=والا تـــــــراك بـــحــــل يـــاريــــم رامـــــــه
وان كان صحيتـي علـي الهواجيـس=انــا ضمـيـري صـاحـيٍ ٍمــن منـامـه
فـي مسـرح الدنيـا وخلـف الكواليـس=مـانـيـب مـــن فـعـلـه يـخـالـف كـلامــه
ولانيـب لبـاس الهـروس الهداريـس=ثوبـي نظيـف وفـوق راسـي عمـامـه

[عبدالله جبارالعتيبي]

في ذمتي يام العيـون النواعيـس
ان الحيا ثـوب النقـا والكرامـه

صح الله لسانك يبن حديد
وبيض الله وجهك
قصيده وافيه من رجال وافي

التوقيع

يالله يامنجي نبيك من الحوت=وعالم بكل الناس واللي وراها تغفرذنوبي كلها قبل ماموت=أنته ملاج الناس ونت الإلاها عبدالله المقاطي

[محمد الذيابـــي]

,,

صح لساااااااااان الرائع نايف بن حديد

شاعرل جزل وقصيدة جزله تطرقت لجانب مهم من جوانب الحياه

لا عدمناك يانايف وننتظر جديدك يالغالي.

,,,,,,

التوقيع

التوقيع محمد الذيابـــي

[الموج]

صح لسانك على هذه الرائعه يانا يف وتطرقت موضوع

له اهميه


المــــوج\ابـــــوحـــــاتـــــم

[نايف ابن حديد]

المشاركة الأصلية كتبت بواسطة عبدالله جبارالعتيبي

في ذمتي يام العيـون النواعيـس
ان الحيا ثـوب النقـا والكرامـه

صح الله لسانك يبن حديد
وبيض الله وجهك
قصيده وافيه من رجال وافي

صح بدنك ياعبدالله ولاعليك زود يالسنافي

شرفتني بمرورك العاطر

[سيف نت]

صح لساااااااااااااااااانك