محمد بن الذيب وسلطان الهاجري

[محمد الذيابـــي]

قصيدة الشاعر محمد بن الذيب مرسوله للهاجري
وأعتقد ان ابن الذيب يقصد ضيدان بن قضعان في قصيدته

يا إيفان حنا ربع لكن ما حـن بخـوان=قبلـت العـذر وإلا المقاديـر عــذاره
لا بالله ما سجيت مـن شـرد القيفـان=لو آخذ سنه في مفرق الصين وأسواره
أنا الشاعر اللي فيه عزم ومعاه لسـان=ولا تفشل عزومه إلـى طـال مشـواره
أنا الله خلقني إنسان وابغي أموت إنسان=على دالهين القلب تفـرق بـه أذكـاره
وأهل الجوف ياللي ما نكر طيبكم عبلان=نهار يضيق الرجل مـن ربطـة زراره
أحب الهواجر حـب سلطـان للعجمـان=لكـن صاحبـي سلطـان نيتـه بـواره
ياسلطان اليا من مات ضيدان بن قضعان=رثيناه دمع ومنـك تـاره ولـي تـاره
لكن خايـف تمـوت وعيـش كحيـلان=ليا مت ما تلقـى مـن النـاس قبـاره
بعير البدو برك بك العام فـي المرحـان=حدتـه الليالـي والصواديـف جبـاره
لو إنك خذيت العلم من هدهـد سليمـان=ما سقت المدايح عند شيخ طفت نـاره
عداك الملام وصاحبـك ماهـو بغلطـان=أبو مطرقة حقـه علـى رأس مسمـاره
ظعون البدو ما تكره الدوج في المرحان=مادام السحب تبـرق وترعـد ومطـاره
يا سلطان بشت ما تدفـا بـه البـردان=ما نبغيه في قيـض الكليبيـن وغبـاره
لو انه جديد ويتدلـى علـى الذرعـان=أنا أقول شرايـه خسـر فيـه دينـاره
لا بالله والشيخان تفرق عن الشيخـان=يا صلاحة البنشر يـا قباضـة الطـاره
وأنا وان وصلت وطول الله عمر حمدان =أسوق القدم ومهبـل النـاس محتـاره
مطرهم مثل وصف البدو همهمة خـلان=سرى ليلهم والنفـس بالسـوء أمـاره
ولا يعرفون الجار ومقاصـر الجيـران=هـذا سـاكـن داره وذا سـاكـن داره
ولا عندهم قلـط ولا وش علـوم فـلان=ولا يأخـذ أخبـارك ولا تأخـذ أخبـاره
حداهم لو أن هتلـر مجـاوره بالبيبـان=قضى العمر كله كن هتلر ماهـو بجـاره
وعلى قولة بن شريم في بيته المليـان=وأنا اقدر بـن شريـم واقـدر أشعـاره
لاصحت يأهل البيت يامعزب الضيفـان=قالوا عش روحك يشبع الطيـر منقـاره
ياسلطان لاتبطـون تكفـون ياسلطـان=لو احجز لكم على حساب القلب طيـاره

سلطان الهاجري يرد على ابن الذيب

ياضيدان بن قضعان كيف أنت يا ضيـدان=أبن الذيـب يبغانـا نسـوي لـه زيـاره
جملنا جنوبه جرب واسبق مـن الغـزلان=ولا فيـه نـادي مـا تليـح بمضـمـاره
بعير البدو بطنه خضـر شامـخ النيبـان=مـن العـام الأول قطـع القيـد وهجـاره
والا ياسمـي الذيـب بسـم الله الرحمـن=تسافـر بعيـد وتلحـق الغـاره الغـاره
قمرك الصناعي يا محمـد يبـي ميـزان=اخذ كورس من عالم عربسـات وأقمـاره
هل الجوف قوم تشكـرك بالفـم المليـان=على كل طـاروق مـن الشعـر تختـاره
والا يأهـل العضبـا والا يأهـل بنـيـان=نهار المثاري يبتلـش مـا قضـى ثـاره
ليا دبروا عجمان وليـا اقبلـوا عجمـان=طحاطيـح حـرب للمعـاديـن جــزاره
وليا جات من الاقصى عليهم بعض الأحيان=فزعنـا لهـم فزعـات عبـده لسنجـاره
وأنا يوم قلت أعـوذ بالله مـن الشيطـان=وشليـت فـوق العيدهـي باقـي بشـاره
وعديتهـا شـرق جنـوب عـن الريـان=أبي عمدة الحاره واثـر عمـدة الحـاره
نهار من أيـام الشتـاء شمسـه مسيـان=وبيـت الفقـر مايدحـم الفقـر بجـداره
جمال الحمل شقـران وألا ولـد شقـران=عراض المناكـب لأثقـل الحمـل جبـاره
وأنا لابطشت ابطش بقوه وأنـا سلطـان=هذا أعطيه بيمينـه وذا أعطيـه بيسـاره
على الهون يابن الذيب لاتطمر الجرفـان=ترى البحر موجـه دون حصـه ومحـاره
وترى فكرة الفيلم الكوميدي تبـي فنـان=وإسماعيل بـن ياسيـن ماطبـق أدواره
هل انجلترا ماهم مـن الآد بـن شلـوان=وخواجـات لنـدن كـل واحـد بمزمـاره
ولا يامحمد جـاك منـي علـى العنـوان=رسالة غضب ماهي عجاريـف وإيثـاره
أخذها لتوني بليـر جعـل أبـوه للنيـران=وقلـه تـرى مـا عـاد للذنـب غفـاره
وإذا قـال لـك كمـان قلـه بعـد كمـان=يا حمـار بـن تسعـه وتسعيـن حمـاره
ترانا عرب مـا نقبـل اليعربـي ينهـان=نحارب يهود الغرب لـو كـان بحجـاره

التوقيع

التوقيع محمد الذيابـــي