فهد ابن حنس

[عـقـــــــــــاب]

حبيت أنقل لكم هذه القصيده وهي التي كتبها الشاعر الكبير فهد بن حنس العصيمي من الذهب

موجهة الى الأمير سلطان بن جهجاه بن حميد رحمه الله رحمة واسعة والذي دعاني الى نشرها هو لما قرأت طلب لأحد الأعضاء وهو ينشد عنها في أحد المواضيع

وهاهي تتلألأ أمامكم وعسى ان تنول الى إعجابكم

الذهب مصهور نكتب به قصيد = والحروف ألماس والقاري قرا
نشعل الرشاش بالجو الجليد =لين قدح النار بالظلمه يرى
ونفرش الأزهار والزل الجديد =من أسافل نجد لطلعة كرى
والمشاعر وسط قلبي ما تحيد= عن محبة من نباه معطرا
شيخنا عملاقنا الحر الفريد=مالنا من دون سلطان أمورا
يا عميد الطيب ما غيرك عميد=عزنا زيزومنا الغضنفرا
مزبن الفخذين ملجأنا الشديد=الذرى بالله ثم بك الذرى
طيب رأسك يجعل المبغض نكيد=زاد غيظه والمزاج معكرا
غالي يا شيخ والرب الشهيد=حبكم بالدم مجرى الأبهرا
يا سلالة من على البيدا تبيد=بالصباح و بالجهاد الأقشرا
يا سلالة مسكت الحربة تجيد= اخبرا بالدين و بالحرب خبرا
مسلمين مؤمنينٍ ما تكيد=من مشاهير القبائل والورى
ودي أوجز موجز الماضي المجيد=من على عصر الرسول النيرا
أمة الإسلام شرفها الوحيد=بالرسالة يوم حلت في حرى
حطم الأصنام وإبليس المريد=واصدعوا بالحق الله أكبرا
وأشرقت شمس الخلافة دون قيد=والخليفة بالجنان مبشرا
طهروها من البراثن والصديد=عزوا الإسلام بالكون اجهرا
وصال بالصولات عامر والوليد=لين كسرى الفرس قفا وأدبرا
وسارت الأيام عيدٍ بعد عيد=من عصورٍ في حلاها .تبهرا
بنو أميه عصرهم عصر حميد=سطّر التاريخ عنهم ما فترى
والعباسي عصر هارون الرشيد=ارتكى للروم....ما تقهقرا
ودارت الأفلاك في جهدٍ جهيد=بين عز وبين رجعه للورى
ثم اعود للجزيرة من جديد=اذكر اللي في الجزيرة قد طرى
قرننا الثاني عشر شرحه يزيد=وقرننا الثالث عشر ما يسترى
يوم كانت للقوى الصايد يصيد=وش جرى في نجد اسمع وش جرى
شيوخنا في نجد تفعل ما تريد=عافوا العدوان لذات الكرى
أسرةٍ فيها الزعامة من بعيد=كل شيخ ٍ فيهم أدهى وأخطرا
ما نسينا شيخة الوقت المكيد=ذكرهم جوف القلوب معطرا
تركي اللي سيًر الحشد الحشيد=من بحرها لبحرها يذكرا
أمطروا برماحهم مثل الأسيد=وسالت الوديان دمٍ أحمرا
قرروا من بعد حلينا الشديد=بالسيوف الحدب غصب محدرا
في نهار الكون شيبنا الحفيد=وانتصرنا في النهار الأغبرا
وجدك اللي حاز في نجد الرصيد=ابن هندي فوق نجد مؤمرا
محمد اللي لا طبخ دم الوريد=بالمعارك ما يهان ويخسرا
ويوم حذف الروس من دون تعديد=بالجماجم سودت صفرا العرى
أحكم القبضة على نجد الوقيد=من يمين ومن يسار ومن وراء
تشهد الصعران وشيوخ الرشيد=والصحيب اللي عن صحيبه سرى
ومن عجائب دنيتي برجٍ حديد=برج (أيفل) بالعجائب يخبرا
ومن عجائب نجد عفّارٍ عتيد=شيخنا اللي بالأعادي يعفرا
وأطول حروب الأصايل والعبيد=باردة ما بين شعب إنجلترا
وأشرس حروب الميسّر والزهيد=حربنا في نجد نارٍ تسعرا
وعمك ابن بجاد لطّام الضديد=مجلي الأشراف من أم القرى
ساق حسين مع الفيافي كالمعيد=واتجه للشام والجيب أنفرى
بأربعينات أول العهد السعيد=أن درى التلميذ ولا مـا درى ؟
الحقائـق ما تغطا بالجريــد=والعلوم الطايلة ما تنكرا
الفعائل تجلب العلم الوكيد=والملاحم ما تباع وتشترى
والصغار صغار والله ما تفيد=ما تكبر لو عليها مجهرا
وكل شيخٍ دون ما جوبه عنيد=ومن يذم الخلق ينشب في لغرى
ودمت يا سلطان بالعمر المديد=و يرحم الله من دفن تحت الثرى
ما حلا بدع المثايل والنشيد= واسمحوا لي كان قافي قصرا

سلامتكم

[راعي الشوشلية]

~

صح لسآن الشاعـر : فهد حنس قصيدة وافيه وظافيـه

لاهنت اخوي عقـــاب على النقل

تقبل مروري ..

[عـقـــــــــــاب]

صح الله بدنكـ يا سنايدي بالنيابة

شرفني مرورك كثيييييييييير

[أبن حشيان]

صح لسان الشاعر


ولاهنت يالعقاب الصارم وفيت ولاهفيت


وابيض وجه : تحياتي الك

[عـقـــــــــــاب]

المشاركة الأصلية كتبت بواسطة أبن حشيان

صح لسان الشاعر


ولاهنت يالعقاب الصارم وفيت ولاهفيت


وابيض وجه : تحياتي الك

العفو ياسنايدي

,, ,,

وصح الله بدنك بالنيابه

,, ,,

ومرورك شرفني كثيييييييييير

[الرأي الآخر]

صح لسانك يابن حنس ..

..

قصيدة تاريخية ،،


هناك خطأ طباعي في آخر كلمة بقافية البيت

شـــيـــخـــنـــا عـــمـــلاقـــنــــا الــــــحـــــــر الــــفــــريـــــد == مــــالــــنــــا مــــــــــــن دون ســــلــــطــــان أمـــــــــــــورا


والصحيح ((أومرا))


ألف شكر أخي عقاب ..

[عزارم]

صح لساااان الشاعر و الله يرحم الامير سلطان بن جهجان ابن حميد مهما قيل فيه ماوفينا حقه الله يرحمه

[حمود بن خيشوم العصيمي]

صح لسان الشاعر فهد بن حنس

قصيده كبيره في شيخ كبير قدر ومنزله رحمه الله تعالى


تحياتي

[سعد الرويس العتيبي]

الـحــقــائــق مـــــــا تــغــطـــا بــالــجــريــد=والــعـــلـــوم الــطــايــلــة مــــــــا تــنـــكـــرا

صح لسان الشاعر الكبير فهدحنس والله يرحم الشيخ سلطان بن حميد


وعقاب شكر لك على النقل

[عـقـــــــــــاب]

المشاركة الأصلية كتبت بواسطة الرأي الآخر

صح لسانك يابن حنس ..

..

قصيدة تاريخية ،،


هناك خطأ طباعي في آخر كلمة بقافية البيت

شـــيـــخـــنـــا عـــمـــلاقـــنــــا الــــــحـــــــر الــــفــــريـــــد == مــــالــــنــــا مــــــــــــن دون ســــلــــطــــان أمـــــــــــــورا


والصحيح ((أومرا))


ألف شكر أخي عقاب ..

صح الله بدنك بالنيابه

ولاهنت ع التعديل

الرأي الآخر مروركـ شرفني يا سنااايدي

وأشكركـ شكر ماله لاحد ولا عد ولا رد , شكر ماله حدود