وهذه قصيده اخرى قالها في بدايته وهي تحكي عن الشعر الحداثي
واليكم القصيده
كريم يابرقٍ لمع في خياله=شعلة سناه تشق روس الاداعيب
هيضتني من عقب مانيب داله=ياذيب ياللي للعشاء تدعي الذيب
الكافر الليل حال قتله وماله=لا يشغل المسلم بشذب العراقيب
والشعر بذه اكثر الناس حاله=بالمنطق السيئ وشين الاساليب
واعزتي للشعر مما جراله=من عالم ماتعرف الشين والعيب
حثالةٍ يا ويها من حثاله=الشعر يبغونه بروس المشاعيب
قد قالها ملفي واكرر مقاله=اللي كسب من هول بقعاء تجاريب
لا جاك واحدهم تقارع نعاله=ماكنه الا كاسبٍ شمّخ النيب
يعذرب العالم وهو قد حاله =يدور المضرب وكله مضاريب
كذب و صدق كذبته من هباله=يقول انا الشاعر وراع المواجيب
واصبح على الشعار والشعر عاله=جسم بليا عقل والساس تركيب
يامن شراله علةٍ من حلاله=هذاه يبغاله عن الشعر تاديب
وغنى ضعيف العقل مما طراله=يقولها يبغى يطول المراقيب
اما تغزل فالحبيب و جماله=ولا مدح مدحٍ على غير توجيب
ولا يذم اهل الوفا والشكاله=اللي مهابتهم تهد الاصاعيب
ثم قال انا شاعر وميّل عقاله=وهو صاير للشعر هم و عواقيب
هرجٍ على وزن وقوافي ولاله=يعنى ولا حصل ياكود الاتاعيب
بيوتٍ هزيله ماتعرف الجزاله=لا مطلعٍ كايف ولا حسن ترتيب
وليا نصحته قلت هذي جهاله=جنب وخل الملعبه للواعيب
قال انت حاسدني وغره خباله=وانا من الشعار غصبٍ بلا طيب
قام يتطشم كن ماحدٍ قباله=كنه ولد ابن بصيص تراحيب
هذاه مالي مع جنابه زماله=لالي ولاله من ورايه مطاليب
نذرٍ علي اني لعقد حباله=و ورده عدٍ خفيف المشاريب
وعيفه طاري القصيد ومجاله=وجنبه عن ساحة الشعر تجنيب
فالرجل مجلاسه على العز لاله=اخير من عمرٍ على غير توجيب
وارضٍ خلا فيها البنادم لحاله=افضل ولا خوة قريب المحاضيب
والجانب اللي مايضلل ضلاله=ماجيه لو تكثر علي اللواهيب
وانشدك عن عودٍ يزوج عياله=بناتهم من دون شكٍ ولا ريب
الام وحده جت بليا حماله=بنتٍ لبوهم علم مافيه تكذيب
وسلامتكم
آخر تعديل عـقـــــــــــاب يوم 08-Jul-2011 في 01:35 AM.
« آخـــر الـــمـــشـــاركــــات »
06-Jul-2011, 07:56 PM
الشاعر مرزوق الثبيتي
العرض العادي
