اولاد مطفح رجاااااااااااااااااااااال الحرب اللي طفيحي لا يخش؟؟؟؟

[بن السراه]

السلام عليكم

راح اقص عليكم قصه تدل على قوة قبيلة عتيبه .

ينقال به رجال اسمه/عبدالله العوفي من بني عطاف من عوف(يسكنون وادي ليه)تقدم لخطبة بنت الشيخ
/سعيدالمغلوث الجميعي

،شيخ قبيلة الجميعات مسكنهم وادي( مرسيه) والان اسمها صلى .

وافق الشيخ وزوج العوفي لبنته واسمها سعديه وذهبت مع زوجها حيث يسكن وبعد مرت سنه على زواجها انجبت من العوفي ولد.

وعادة العرب اذا جاء للرجال ولد يروح ابو الولد ياخذ العذر من خوال الولد ويقلهم حنا نبي نطهر الولد فاما انهم يعذرونه والا يقولون احنا ياخوال الولد نبي نلفي يمك ويجيبون معهم مجموعه من الرجال والذبايح ويجون على معراض او عرضه ومعهم شاعرهم....

لكن العوفي ما اخذ العذر من خوال ولده وطهره بدون ما يرسلهم احد ولا يبلغهم وهذا فيه شي من الاستهتار .

بعد فتره نزلت بنت الشيخ الجميعي مع ولدها العوفي للاستجمام في بساتين ال عوف وهي ماشيه كان فيه مجموعه من الاولاد معاهم حرباء ويلعبون عليها ويقولون شوفوا خوال العوفي الجميعات جوا على ذلولهم يقصدون بالذلول الحرباء طبعا اطفال في مثل سنهم لايعرفون مثل هذا الكلام ففهمت الجميعيه انهم ما قالو هالكلام من فراغ وانه فيه احد موصيهم عليه،رجعت لبيتها وكتبت مكتوب لابوها الشيخ المغلوث الجميعي وحرقت طرف المكتوب بالناروارسلته مع طرقي يبي يتجه يم اهلهاوقالت له امانه توصل المكتوب لابوي.

وصل المكتوب لابوها وعرف مقصدها وسبب حرقها للمكتوب وصاح الشيخ بكل اولاد مطفح خصوصا وعتيبه عموما واجتمعو كله مبعد ان ارسل في طلبهم وكل قبيله منهم قالت ابشر بسعدك ومن كل قبيله عشره رياجيل برفدتهم وذبايحهم وسلاحهم وجمال تحمل العلف والعِلف ايامها من البن والهيل،وكسوه للولد(جوخه حمراء= مثل الدقله الان)،وعمامه راغآن معروفه ايام الشريف .

اجتمعواكل الاد مطفح في مكان يسمى الملعب وبدا ممشاهم من هناك ودربهم يطى عنقان= مزارع للشريف حاكم الطايف ومولي عليها ابناء عمومته وطبعا لما وطو عنقان لكثرتهم داسوالقمح ويرمون بالبندق في الكدنه واشتعلت النيران فيها المهم حاولو العسكر الموجودين منعهم لكن لم يستطيعون وابلغ احدهم الشريف فنزل على فرسه ولم يستطيع مواجهتهم ويمشي من جنبهم ويقول لهم ما معكم درب محد اعطاه وجه
وهم ماشين ويضربون بالبندق اشعلو الدنيا نار دون خوف من الشريف او ابن عمه الين وصلواراضي عوف وهم على ذا الحال وانصدم العوفي من اللي شافه واستقبلهم المهم جلسو يردحون الين اقبل الفجر وما وجد العوفي مايقهويهم به لكثرتهم وتعشو الرجال وسرو

وسار هناك مثل عند الطفحه لا حب الواحد يخوف احد يقله(والله ليطاك ما وطى الشريف)بعد اللي حصل ولما راح العتبان من عند العوفي يقولون بيوتهم انكتت من كثر الرجال.

وفي نفس الليله اللي سروا فيها قال العوفي لزوجته يا سعديه الحقي اهلك
وطلقها لانه عارف انها ورى اللي صار .

وعلمي وسلامتكم وانتظرونا في حلقات قادمه.

اللي عنده اي تعليق فليتفضل مشكورا بالدورالله يعطيكم العافيه خخخخخ

واعذررررونا لردائة التعبير نقلتها كما هي من افواه العامه

[((الدلبحي))]

بن السراه

تسلم يمناك ومعذور ومشكور على القصه

تحياااااااااااااااااتي

[أبو فيصل]

يعطيك العافية يابن السراه

ولاهنت ياخوي على هالقصة

تحياتي

التوقيع

لا إله إلا أنت سبحانك إني كنت من الظالمين

[اخطار برقاوي]

ابن السراه

يعطيك العافيه

[بن السراه]

الدلبحي و الشيباني واخطار تسلموووووووووووون على المررور

ونورت الصفحه بوجودكم