جعل السحاب

[أبو عبد الملك الرويس]

بسم الله الرحمن الرحيم

جعل السحاب الي مزونه مواقيف = الي كما ضلعان غامد وزهران
ينشا من القبلة على بادي الصيف = ومشمِل على دخنة ومجنب لعروان
ويمشي على هونه كثيفٍ مراديف = من ثقل ماه الي بحورٍ وخلجاَن
وعالي مزونه بيضْ قطنٍ مناديف = ومنبَتْ مزونه يشبْه الضلع جمران
وفيه البروق الي كما سلة السيف = واكْثر بروقه ضوحها خلْف هتّان
وصوت الرعَد يشبه رجيف البواليف = وسْط المكينة واردْ السقس حصنان
وقبْله معاصيرٍ عجالٍ مراهيف = ويمْشي على الضلعان للوبْل ربّان
تخفي هماليله هِضابٍ مشاريف = منها قويّ الشوف تايه وحيران
ولا أقْبَلْ وشيم الماء كما فوحةْ الكيف = فوق الدلال الي على جال نيران
وأوّل بداية صبّته بالعواصيف = شعْفٍ هماليله على الأرض دخان
ثمّ البرد عقبه كثيرٍ محاذيف = لا يجرح الرقة ولا يكسر أغصان
فوق الشبر رفعه سويّ ٍ مصافيف = وكنّه عقبه ثعله نثايل وكثبان
سيٍلٍ غمر سنفانها ما بعَدْ شيف = تبدَعْ ثًعول الما مع النفد شعبان
كن البحر حوّل على الضلع والريف = وغيّب معالمْها على كل عرفان
ومن قوّ صبّه ما لقاله تصاريف = غصّت به الرقة روابي ووديان
وألْفين ملّي في الوطا دون تزييف = وللوسم من كثره على الأرض غدران
وجاله مع العربان ذكر وسواليف = كلٍ هرج به بين بدوٍ وحضران
وهذي مناتي بالمثل والتواصيف = أنا ومن مثلي على السيل شفقان
وسبحان من ينشي منزونٍ مواليف = والحمد الِه ربٍّ عظيمٍ ورحمان
ويا أهْل الديانة هلّلوا يالمناييف = وصلّوا على المبعوث من نسْل عدنان

أبو عبد الملك الرويس

آخر تعديل أبو عبد الملك الرويس يوم 09-Mar-2011 في 12:46 PM.

[فايز بن سرحان الثبيتي]

صح لسانك "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[سيف نت]

صح لسااااااااااااااااااااااااااااااااااانك

[محمد الذيابـــي]

صح لسانك والله كريم

التوقيع

التوقيع محمد الذيابـــي

[مرزوق حمدان العتيبي]

..
.

اسهاب في الابداع يابوعبد الملكـ
الله لايهينك على هالجزاله

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو عبد الملك الرويس]

المشاركة الأصلية كتبت بواسطة فايز بن سرحان الثبيتي

صح لسانك "

فايز بن سرحان الثبيتي ،

مرحبًا بك ،


وصحّ بدنك ..


وأشكرك على مشاركتك .



وتحيّة طيّبة لك .

[أبو عبد الملك الرويس]

المشاركة الأصلية كتبت بواسطة سيف نت

صح لسااااااااااااااااااااااااااااااااااانك

سيف نت ،

مرحبًا بك ،


وصحّ بدنك ..


وأشكرك على مشاركتك .


وتحيّة طيّبة لك .

[أبو عبد الملك الرويس]

المشاركة الأصلية كتبت بواسطة محمد الذيابي

صح لسانك والله كريم

محمد الذيابي ،

مرحبًا بك ،

وصحّ بدنك ..

وأشكرك على مشاركتك .



وتحيّة طيّبة لك .

[أبو عبد الملك الرويس]

المشاركة الأصلية كتبت بواسطة مرزوق حمدان العتيبي

..
.

اسهاب في الابداع يابوعبد الملكـ
الله لايهينك على هالجزاله

مرزوق حمدان العتيبي ،


مرحبًا بك ، وسلمت على هذه المشاركة العاطرة .

وأشكرك عليها بجميل استحسانك فيها النابع من كرم ذاتك وعذب إحساسك .


وتحيّة طيّبة لك .

[ابو فايح]

ابدااااااااااااااااااع


صح لسانك مليون