النخوة الأهلاويه مهداه لجميع محبين نادي الاهلي الملكي

[سطام بن فهيد]

السلام عليكم ورحمة الله وبركاته

اسعد الله اوقاتكم بكل خير

هذه القصيده مهداه لجميع وعشاق النادي الملكي الاهلي السعودي والى مقام سمو سيدي الامير خالد بن عبدالله بن عبدالعزيز رئيس اعضاء شرف نادي الاهلي الملكي والى مقام سمو سيدي الامير الشاعر فهد بن خالد بن عبدالله بن محمد آل سعود رئيس نادي الاهلي الملكي السعودي

والى الصحفي الاعلامي سامي القرشي /والى الاعلاميه الاهلاويه حصه بنت عبدالرحمن العون العتيبي

أحترت في تظمين عذبات الابيات = وجاء للحروف بجوف صدري عشيره
وأخترت مبداها بعد داخلي جات = في مدح كسّاب الفعول الشهيره
خالد أمير الاوله والمهمات = أبن الزعيم اللي يقود المسيره
الله يجيبه للوطن بالسلامات = صقر الجزيره جعل ربي يجيره
وفأميرنا الغالي حميد السجيات = يوم إن كلٍ يفتخر في أميره
فهد ولد خالد وفوقه علامات = في كل عليا طيب مجده خشيره
هامة فخر تعلى على كل هامات = ولنادي الاهلي عيونه سهيره
مسخر جهوده على كل الاوقات = في خدمته رغم الظروف العسيره
يابو سعود الناس فرد وجماعات = تنخاك والهقوه بمثلك كبيره
الاهلي اللي صار من ظمن الاموات = ماتت معه ناسٍ تحبه كثيره
تكفا وتكفا فزعة العمر بالذات = النادي بحاجة كوادر خبيره
إدارته راحت شعوب وحزابات = مشتتين وكل حاله خطيره
وأعضاء شرف من دون فزعه ووقفات = محدن وقف له وقفةٍ لو صغيره
عطشان جمهوره لشوف البطولات = اللي لها في صفحة الفوز سيره
جمهوره بحاجة لعهد البدايات = عبدالله الفيصل ووقته وخيره
عهده خذى كاس الذهب بأنتصارات = والملكي راع الفعول الغزيره
اللي لها في ساحة الفوز ساحات = راحت وجمهوره بكى من مصيره
الملكي يحتاج دعم وعلاوات = ومكافأت لكل لاعب تثيره
تكفا وتكفا داخل الصدر حسرات = رجّع لنا هاك الزمان وعبيره
جمهوره بجوفه من الضيم جرعات = دام الهزيمه ساكنه في ضميره
الملكي فيه النجوم المطلات = لكن ما حصّل من الخير ديره
الفكر كله صاير أشتات وأشتات = وهذي مصيبه فاالسنين الاخيره
وختامها قدمت فالشعر باقات = عما بصدري نعتبرها يسيره
القرشي سامي له أغلى تحيات = يبقى قلم سامي للأهلي ذخيره
والعون حصه درع واضح بالاثبات = بالعون يابنت العتيبي جديره
والملكي للأهلي بدون حاجات = ثابت لنا ماعمرنا نستعيره
يقولها سطام مابه جدالات = للملكي شاعر بشبه الجزيره

وسلامتكم

سطام بن سلطان بن ماجد بن فهيد