لكن صيحي ياكلاب .. وواصلي ياقافله !!

[حسن إبراهيم الدجيماء]

السلام عليكم
..
للتواصل

سلام ياراع الوفا والطيب يانسل الحرار = اللي إله في عالي ابراج المراجل منزله
اللي ليامني نخيته فالمواقيف الكبار = ماعنده الا يالدجيماء عندي الوضع ازهله
هذاك نايف من لياجيته وانا همومي كثار = ماجيته وروّحت معيه هم باقي شايله
انا اشهد انه حصن لاجار الزمن والوقت جار = محاولات الوقت في تدمير حصنه فاشله
حتى لو إنه كل يوم يزيد من ثقل العيار = كل الحيل بعد إذن ربي قدم شخصه باطله
إليا رقا متوشّحن سيفه على قبّ المهار = تشهد له الأخصام فالميدان ممن قابله
وإليا مشا يغشا محياه السكينه والوقار = إحسان كله .. حسن خلق .. وزود حسن معامله
لاجاك من يمّه من المعروف مايبهرك .. خار = ماهي غريبه دام كل الطيب والنوماس له
وإليا تجريت وكذبت وقلت جاني .. طبع غار = أقول : (( تكذب ماصدق فمّك بدون مجامله ))
لنّي أعرفه من زمن والحق مادونه غبار = لكن صيحي ياكلاب وواصلي ياقافله !!
هذا كلامي كان مايرضيه منه الاعتذار !! = وإن كانه ارضاه المديح فذمتي يستاهله

..

إحترامي وخالص مودتي ..

..

[نايف المغيبي]

حسن الدجيما صح لسانك وبيض الله وجهك

[أبو مرحبا]

صح السانك ياحسن الدجيماء

قصيدة رائعه

احترامي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[فهيد مقعد الرويس]

صح لسانك

ومن حصل شي يستاهله

تحيتي

[معلا إبراهيم الأسعدي]

صح السانك يالدجيماوبيض الله وجهك على القصيده الجزله ويستاهل الممدوح

[الصويت الثبيتي العتيبي]

صح لسانكـــــــــــ

[فايز بن سرحان الثبيتي]

هذا كلامي كان مايرضيـه منـه الاعتـذار !!
وإن كانه ارضـاه المديـح فذمتـي يستاهلـه





صح لسانك يابطل "


الله الله ياحسن شاعر راقي واسلوب جذاب

لكن ماعرفنا المحظوظ نايف من يكووون

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[أبو فيصل الدلبحي]

الله الله


يستاهل الممدوح ولاهي غريبه على المادح الثنى الجزل على الفعول الطيبه



صح لسانك ياحسن وعز الله انها جزله وتكيف الدماغ


تقبل مروري

[حسن إبراهيم الدجيماء]

..

نايف المغيبي

..

صح بدنك .. وشاكر مرورك

..

إحترامي !!

[حسن إبراهيم الدجيماء]

..

أبو مرحبا

..

صح بدنك .. والأروع تشريفك

..

إحترام Special