حماقة جحا ..

[عبدالله بن طلال]

السلام عليكم

تواصليه متواضعه عسى ان تلامس ذائقتكم الرفيعه

ياسيّدي .. طاحتْ الحبّه بوسط الرّحا = والحَبّ حاول يقاوم .. لكن إنّه ، بَحَلْ
كنت اضحك العام واٌقرأ عن حماقة جحا = واليوم مالي عن الواقع هروب و ، محل
جيتك سواة المزون وكل سيلي نحا = وابْرقْت وارْعَدت لين الارض صارت ، وحل
ثلاث اسابيع جوّي غايمٍ ماصحا = ومشاعري فوق ريضانك بردها ، يحل
لاعاد تلعب بقلبي بين غُنْج وسَحا = ولاتحسب القلب ورده ، وانت صاير ، نحل
لو هانت قلوبنا ، ماهان شعر اللّحا = شعر اللّحى مايهون براس قرم و، فحل
أشرق بشمسك على ريضان قلبي ضَحا = او قل لي : إرحل ولا تبكي على اللي ، رحل
رح عني أبعد من اللي قيل ذكره محا = و اروح عنك ابعد إمن إسهيل ، ولاّ زُحل

وسلامتكم