اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
16-Feb-2005, 03:13 AM | رقم المشاركة : 1 | |||
|
الشاعر سعد بزيع الربيقي ومحاورة مع أبن شايق وراضي الرشيدي
الشاعر الكبير سعد بن بزيع الربيقي العمري الحربي من سكان منطقة القصيم يعتبر من شعراء المحاورة المتميزين شاعر ذكي سريع البديهه يتميز بكل صفاة شاعر المحاورة الحقيقي كما انه شاعر نظم له العديد من القصائد القوية .
أخترت لكم محاورتين له الأولى مع الشاعر عبد الله بن شايق القحطاني والثانية مع الشاعر راضي الرشيدي وكلا المحاورتين جرتا في حفل واحد . المحاورة الأولى بين سعد بزيع وأبن شايق : سعد هلا يامرحبا ترحيبة من خاطر منقاد = يقولون الحروب بحفل حرب طوال الايماني يقولون العرب من لا قدم للصيد ما يصطاد = عليه من حزامي ما يروح الذيب سرحاني بن شايق : يدوم إبك البقا يازينها فرصها على ميعاد = ونعم بحرب والفزعة عيال العود قحطاني قبل كلمتك هذي ميز المصدار والميراد = أنا ما أتعب على شانك ولا تتعب على شاني سعد : تقدم ياقحطاني واشرب الدلة مع البراد = نطش إلك الشبب تستاهله من غير حقراني لا كن إلى التويت نحط في رجلك ويدك قياد = قيادٍ ما يحلونه هل المعزى ولا الضاني بن شايق : أنا ماني بمستغرب كرمكم في بيوت أجواد = وأنا ما أدخل بيوتٍ مالها دعوة وبيباني كفانا الله شرك ليه يا عنتر ولد شداد = أقول إنك كفو وأبشر برمح وسيف وحصاني سعد : أنا جتني علومٍ منك تغضب خاطر النشاد = تطري لك علوم وتحسب إن العلم يخفاني وحنا حرب نفتك الضعن غصبٍ على الحساد = بيارقنا تصبح بالحصي من قد رضواني بن شايق : مطوعنا هداه الله ولا مصحف ولا سجاد = وأنا خابرك يالحربي عليه العام زعلاني لو أنك جيتنا يم الحصي ماصار لك معواد = كلاك الذيب الاسحم مثل أخوك فلان وفلاني سعد : خطب فيكم بعيدٍ يختلف عن ساير الأعياد = وطير له شرارة وأصبحت بالعود دخاني وصلناكم وجينا وأحمد الله والليال إجداد = وأخويه ما تمره لين تدفع ساير العاني بن شايق : أنا مالي ومال الناس لي وقفة وقدح أزناد = أطفي نار أولع نار من زندي وصواني ليا لاحت بروقٍ بالشمال وجا لها رعاد = تحدى سهيل خل الجدي عنك ولا تحداني سعد أنا ما أقول فيك قصور يا رايد مع الرواد = وشرهتنا تمثنا اللي لهم بالعلم ميزاني معي طب أعربي وأنا الطبيب الكاوي الفصاد = أنا مسلم مع المسلم وللشيطان شيطاني بن شايق : أنا ما أخون رجل لي معه عشره وملح وزاد = وأقول الحر الأشقر ما يطير بدون جنحاني يا طيبك يا طبيبٍ تبري أكباد وتعل أكباد = وأنا مسلم على هدي النبي ما ني بنصراني والمحاروة الثانية بين سعد بزيع وراضي الرشيدي : سعد : أشهدوا يامن حضر قمت لي قومه ما حسبت لراضي القرم وعلومه خله يعد الظهر كم هي نجومه والتوالي يالمغني لها والي عداد مايمطر الماطر ومالبرق ناض = يا مرحبا والرجل عقله بمنطق فمه آه يالولاك يالملح والزادي لا أفترسكم كلكم داخل المادي وأنفض البيرق عليكم مع الوادي والتوالي يالمغني لها والي لو هي بكيفي ولا عندك عليها أعتراض = خليت بيضان ينزل يم وادي الرمة راضي : أنت ياللي قمت بالله وش ودك أمش فوق الأرض طولك ما أحد ردك بس تكفى لاتعدى على حدك والتوالي يالمغني لها والي توك تعود على راضي عن أهل الرياض = من بعد دارت معاملتك على المحكمة هد نفسك هدها لاتحداني وأعرف انك ما أنت الاول ولا الثاني أو على شانك تعشيت قحطاني والتوالي يالمغني لها والي الليلة الليلة الليلة علومك عراض = والظاهر أنك تبي راس الجبل تصدمه سعد : أبك انا خابرك شاعر وحساسي جتني علومك ولك خوش مقباسي بس راسك قربه من طرف راسي والتوالي يالمغني لها والي اللي تقوله وطى بيته قرار القضاض = أمنا بالله غدى فكره وحار أقدمه من ينوش حقوقنا لو ذبح شاته ننتف رموشه وننتفش شنباته وآخر الدعوى نوريه مذكاته والتوالي يالمغني لها والي دمي معك صافي وقلبي غشاه البياض = ولى انت دمك معي تقول دم احلمه راضي : أعرف أن أخوك شاعر على خبرك ياكبر قلبك ياكبره وياصبرك الله الله وأنت شايب هذا كبرك والتوالي يالمغني لها والي اللي تقوله نبي نفرض عليك افتراض = الترجمه واضحه لا تكرر الترجمه ما يصير الشك من بينك وبيني وأبرك الساعات دينك على ديني شوف عينك مثل ما تشوفني عينك والتوالي يالمغني لها والي بكره يطيح المطر ويربعن الفياض = واللي يعشي بعارينه يعشي أغنمه وسلامتكم |
|||
|
|
16-Feb-2005, 09:41 PM | رقم المشاركة : 3 | |||
|
ومن يقول سالم وغانم
الله لايهينك ياوصل تحياااااااااااتي |
|||
|
|
17-Feb-2005, 03:04 PM | رقم المشاركة : 5 | |||
|
هلا يامرزوق
تسلم على الذوق الرفيع والتميز المستمر تحيااااااااااااتي |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|