لا واهني اللي رصيده ملايين

[خوال الرسول]

لا واهني اللي رصيـده ملايين<<>>وامضـاه في راس القلم يقبلونه

وبواخــره تمشي بكل البلادين<<>>ومصـادره من كل شكل نمونه

وعنده عيال صالحين ورشيدين<<>>لا غــاب والدهم هم يمثلونه

بيته يعانق شاهقات الضلاعين<<>>تلقى الحمام مبيض في ركونه

وديوانه أكبر ما بنى بالدواوين<<>>مفتوح واجـواد العرب يدلونه

فيه الخدم متكـاملين ومطيعين<<>>من جاء لهديوان بيبا شرونـه

ولا صار الريضان مثل البساتين<<>>ما طاب من ريضانهـا ينزلونه

تلقى الخزاما والنفل و الرياحين<<>>تطرب له الورقة وتزعج فنونه

مع لابة تنطح وجيه الشياطيـن<<>>عز لهم وهم يتفــادون دونه

لا خطب بنت مـا هلها معيين<<>>النــاس كلهم ودهم يناسبونه

هذي الحياة اللي لها الناس شفقين <<>>من غر منهــا يا حياة المهونه

أشوى من اللي ياخذ الدين بالدين<<>>وطلابته راس الشهر يبلشونـه

ومع الفقر عنده ابزور ونساوين<<>>يبون حـــاجتهم ولا يعذرونه

يقضي معاشه ما مضى الشهر يومين<<>>الفقــر شيبه وشيب عيونــه

عايش ولكن عيشة الفقر مسكين<<>>كنه مصخن وهو ما به اصخونه

يــا الله يا قابل صلاة المصلين<<>>انك تعاونا وهو قم بـــــعــــــــو نـه

[ابو وعيل]

مع لابة تنطح وجيه الشياطيـن<<>>عز لهم وهم يتفــادون دونه

لا خطب بنت مـا هلها معيين<<>>النــاس كلهم ودهم يناسبونه



قصيده رائعه ... من قائل القصيده ياليت تقول

سلمت يمناك ياخوال الرسول




..

ابو وعيل الرويس

[ابن عاصم]

اضم صوتي لصوت ابو وعيل

وليتك تعلمنا من راعي هالقصيده


اولها تمني وعز الله انه ماتمني الا الطيب

حوف مابراسه من الطيب

واخرها

الله يكفينا الشر

ياخوال الرسول

اخيرا

تسلم يمينك وعاش راسك