 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
|
|
أدوات الموضوع | انواع عرض الموضوع |
|
|
|
|
26-Jul-2010, 02:38 PM
|
رقم المشاركة : 1 | |||||
|
حبيب وصقر ضد سوار الذهب ونايف العزيزي
حبيب العازمي
صقر البقيلي علومه قد دريت ابها ونايف علومه على زمت تشببها وعبدالله اللي تفاكيره بلشت ابها والنار ما تحرق الا رجل واطيها ياليت عبدالله يعلم نايف اسرار البحر والا صقر بعلمه ما ابغى مطير تعلمه صقر سليم ولت قلوب ٍ بها غيض متوليها من دون نتعب يكفي غيضعها فيها تصبر على الغيض لين الغيض ينهيها ................... العلم عن سليم والعتبان في كل الدير ومطير بعض علومهم تحتاج منهم ترجمه نايف العزيزي اليا صفا الجو لا تبلش ولا نبلش لكنك موتر اعصابك ولا ترمش والله ما الومك ربشك الصاحي المربش .................... والله لا اطوع روسكم بالشعر والا بالسحر واليا سحرت الادمي بالمعرفه ما اكلمه عبدالله الميزاني اعطيتك البشت والباكور وعقالي وضيعتها فالخلا من قلبك الخالي ولا ادري من اللي كسر نجري وفنجالي ......................... هاذي الليالي علم لا ينفع وجهل ٍ لا يظر واهل عفيف اكثر شكاويهم مع اهل المردمه حبيب العازمي مالك ومال العلوم اللي تخمخمها ما هيب في صالحك قدام تفهمها هاذي علوم نبى غيرك يترجمها ....................... اخطيت والمسلم ليا صدق نبى الساحر كفر دور على ساحر كبير وحط يدك في فمه صقر سليم الرجل يصبر ما دامه للصبر يقدر واليا احتمى الامر لا يسمح ولا يصبر الزير سالم ترا قبلي قتل جحدر ....................... العلم يبقى يالمطيري مثل نقش ٍ فالحجر ما احد ٍ مصدق للحديث اللي رواه مسيلمه نايف العزيزي علومنا طيبه يالشاعر الطيب لكن دايم تشكك في يا حبيب وتراك ما انته بعيد وعندي قريب ..................... تراك حولي بالمكان وبالتوجه والنظر وبدايتك بالمرسمه وبدايتي بالمرسمه عبدالله الميزاني سليم صارت هوازن يا حكيم ارحم والمشكله فالسان اكبر من البرطم قدم اسماعيل يا هاجر حفر زمزم ................. انته متى ربي هداك تصير مهدي منتظر وانت الغشيم اللي لسانه فيه وزد ٍ عن فمه حبيب العازمي مساعد الرامي اللي قام يصرف له يضيعه نوب والا نوب يلقف له لكن لا بدها قفله على غفله ................ ما كل مع شمس ٍ بدت يظهر على قولك خبر بدايتي قلع نخله وبدايتك غرس عجمه صقر سليم انا ادري انك بهذا الوضع ما ترضا مير الحقيقه عليكم تفرضه فرضا نبى ندور علاج نعالج المرضا ................. وانته لسانك يلحسك اذنك مير الادهى والامر تزحف سوات الذره اللي مورحه ريح شحمه نايف العزيزي الليله انته علامك شايف ٍ حالك تخطي عليه وانا ضيفك وانا خالك والرامي اللي تقوله حطك وشالك ...................... سيفك معك سيفي معي يا صاحبي موت ٍ حمر اثرك لامنك وليت الادمي ما ترحمه عبدالله الميزاني زدنا ثلاثه ثلاثه واصبحت سته احساب ماهي عصابه يا كرفته واصدق خبر ريس الحته ولا حته ........................... انته ليا جاء فالعلوم اعلوم رحت اسمر حمر واشره على اللي دافن ٍ مقداركم تحت قدمه حبيب العازمي ان كان ودك برجلك تقطع الشارع لا تقطع الشارع الا من وراء الفارع ومدام صحتك هاذي تطلع مصارع .................... اليا استلم ضابط خفر سلم على ضابط خفر واليا استلمت من الخفير اخوه الاخر سلمه |
|||||
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض الشجري