جميل العازمي في حفل الشيخ مناحي بن جدي ابن زريبه.

[سفير الجذعان]

هذه القصيده القاها الشاعر الكبير/ جميل بن عوض العازمي العتيبي في حفل الشيخ / مناحي بن جدي ابن زريبه رئيس مركز الزربان في محافظ الطائف الأستاذ / فهد بن عبد العزيز ابن معمر .

مرحبا بك يا بو فيصل عن خيال الأصيله =عن شيخ يكرم الضيفان ويعز قصراه
في محل الوافي ابن زريبه شيخ القبيله =شيخته ماهي جديده ورث من جده وباه
مرحبا ترحيب ينساقلك مع بنه وهيله=من خويك شاعرك وانت العزيز من اخوياه
يازعيم المرجله والجود كساب الجميله=من رجال بالوفى تاريخهم كل قراه
يشهد لجدانك الميدان بسيوف صقيله=يوم جيش موحد الدوله تحقق له مناه
الزعامه والشهامه والرجوله والفضيله=احتواها بن معمر والله والولي عطاه
والله انك راعي الميقاف ومنجي دخيله=ابن شيخ واللها نه مايضام الي نصاه
يفخر بك الطايف المانوس في يومه وليله=في زمانك عانق الغيمه في جبال السراه
انثنى لجبال البراق ورعود المخيله=لينه اصبح كل عام احلى ومقبول حلاه
كل غصن بالشموخ وبالمعزه ينثنيله=والثقافه والتراث عكاظ معمور بناه
ويتباها بالجمال اليوسفي وارضه ضليله=امتضلل بالسحاب ورده معطر سماه
المصيف الأولي للملكه مابه مثيله=جاه فهد بن معمر ثم رفعله مستواه
انته اللي نفتخر بك وانته فعولك جليله=وانت عز الطايف المانوس في كل اتجاه
تبذل جهودك وتسعى للقرى باحسن وسيله=وكل عام تزورها وتحقق الها الي تباه
يفتخر شعري وانا افخر فيك ببيوت جزيله=شاعر يعسف مار الشعر وتطيع العصاه

[الجزل]

صح لسان الشاعر : جميل العازمي

ولاهنت يا سفير الجذعان

[يوسف العازمي]

صح لسان الشاعر : جميل العازمي

ولاهنت على نقلكـ

[ابومشعل العازمي]

صح لسان جميل العازمي

[خلف الروقي]

صح لسانه وسلمت يمناك

[محمد العتيبي]

بيض الله وجهك على الانتقاء الرائع ..

وصح لسان الشاعر / جميل العازمي .. على القصيده الرائعه


تحيتي
..

التوقيع

للتواصل عبر twitter تويتر al_bargawy@

[سفير الجذعان]

الجزل لاهنت على مرورك

[سفير الجذعان]

يوسف العازمي لاهنت على المرور

[سفير الجذعان]

ابو مشعل العازمي لاهنت على المرور

[سفير الجذعان]

خلف الروقي لاهنت على المرور