كل القبايل ماهم ابس عتبان (بندر المرشدي)

[مرزوق حمدان العتيبي]

ِ..
ان عدوا اهل الطيب عد ابو سلطان..
...
رد على قصيدة بندر المرشدي على هذا الرابط
http://www.otaibah.net/m/showthread.php?t=106180

امل ان تحوز على رضاه ورضاكم ..
وترد ولو الشي اليسير من التقدير لمنتدى الهيلا ومؤسسه ابو خالد
ومن ينتمي اليه
.

بعض البيوت تمر مآجآلهـآ احسآس = اتمر عـآدي كن ماكاينن كان
وبيوت بندر حركت كل هوجاس =ثم افتحت بالصدر للشعر بيبان
يخفق لها قلبي مثل خفق قرناس=واحس في وسط الحشى تقل بركان
يازين شيلتها ليا هب نسناس=تطرد هموم الي شكى كثر الاحزان
اكتب له التقدير من فوق قرطاس= وارفع له البيضاء على كل مابان
كله طموح وعزم مايعرف اليآس = وان عدو اهل الطيب عدّ ابو سلطآن
لنا الشرف في معرفة عطر الانفاس =في خدمة الهيلآ ترى كلنا اعوان
المنتدى الي فيه من كل الاجناس = كل القبايل ماهم ابس عتبان
اشهر من الي يعلنونه على واس= تدريبه العربان في كل الاوطان
مثل الربيع الي جلب كل عساس = تجيه ضايق بال وتروح طربآن
تصفّحه يجلي عن الخاطراعماس = مثل البحر مليان لولو ومرجان
مافيه من دون المناعير ترباس = الطيّب العاقل مكانه بالاعيان
مجمع نشاما ماهو بمجمع انجاس = مكملينه بالوفا طوال الايمان
مابه مكان لكل مغرض وهلآس = الي يسبب للمشاكل والاضغان
والفضل لله ثم لمعرّب الساس = الله يجازي هايف الطيب بأحسآن

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابن مشيب]

صح السانك ونعم بكل القبايل , رد وافي على قصيدة بندر الوافية.



تحياتي

[مرزوق حمدان العتيبي]

..
.

انت الوفى كله يابو تركي...
حضور مانعدمه ...

[عيد بن مرضي]

مجمع نشاما ماهو بمجمع انجـاس=مكملينـه بالوفـا طـوال الايمـان
مابه مكان لكـل مغـرض وهـلآس=الي يسبـب للمشاكـل والاضغـان
والفضل لله ثـم لمعـرّب السـاس=الله يجازي هايف الطيب بأحسـآن

يا سلام يا سلام



بيض الله وجهيكم ... وصح لسانك تريليووووون يا ابو حمدان



ابدااااع وجزله من رأس جزل ... تقديري

[أخو جوزا]

صح لسانك يابو محمد ولافظ فوك

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[فهيد مقعد الرويس]

الله الله

ابداع يابومحمد

ورد وافي

صح لسانك وعتلاشانك

تقبل اطيب تحيه

[الــوآفــي]

ابدع بندر وصح لسانك مليار


وقلت فأبدعت يابو محمد

وصح لسانك مليارات



تستاهلون الطيب يالهيلا

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[مرزوق حمدان العتيبي]

..
.

صح بدنك ...
وماعليك زود ياعيد شرفتني

[مرزوق حمدان العتيبي]

..
.

صح بدنكـــ يابو معدي ...
سعدنا برؤية حروفك

[أبونايف الروقي]

صحة السنتكم وبيض الله وجوهكم