الدجيما طبح جاي

[سهم الليل]

والله انا مادرينا عن مشاوير الحضاره=اثرها لو كان ترفعنا توطينا تحتها
كل رجالٍ يقدي بالثقافه في مساره=واكثر العلم ثقافه والعرب مجاملتها

[حسن إبراهيم الدجيماء]

الحضارة ترفع العالِم على حسب اقتداره = والمهابيل الله اعلم ماتغيَّر منزلتها
كل من يعجز يروم الطيبة تاره وتاره = قال خلوها ترا زود الحموضه خربتها

[أسير القوافي]

زود الحموضة خربتها .. الله الله



صحت الألسن ..





متآبعين للطحاطيح

[حسن إبراهيم الدجيماء]

المشاركة الأصلية كتبت بواسطة أسير القوافي

زود الحموضة خربتها .. الله الله



صحت الألسن ..





متآبعين للطحاطيح

ههه ..

صح بدنك يالطحطوح ..

الله لايهينك على المتابعة الراائعة ..!!!

[سهم الليل]

الكلام اللى على الموضوع يثني بستداره=ساقة الحرمه ولفت بالعبايه وحذفتها
من يخلف سلمن لابد ماحصل دماره=سلمنا سنة نبيه ونتبارك بثمرتها

[حسن إبراهيم الدجيماء]

يوم شفت البيت الاول جات في بالي عبارة = "وابك حرر قدسنا واستامنت قوم سكنتها"
والله انا ندري ان النار من قدحة شراره = مار ياربي تبيد اللي بيدها ولعتها

[سهم الليل]

عولمه والعولمه في تالى ادعوى اشاره=واوجود ي يالعقول اللى نصتها وتبعتها
كل علمٍ عندنا ياليه ماناقص شطاره=ليه يوم يطش ثوبه راكب اللى صممتها

[حسن إبراهيم الدجيماء]

قبل كان الخلق نهج المصطفى هذا شعاره = واحسافة جات دوامة جهلهم وجرفتها
للطرق حطوا خريطة واسس الحاقد جداره = واصبح العالم تبيع الخطة اللي مسستها

[سهم الليل]

كل علماني تقدم واظهر الدعوا نعاره=قال هذا مادرسنا عند هذي درستها
ليه لبنان وعراقه قبلها ورع الحجاره=ماتحرك في قلوب اللى غشاوتها غشتها

[حسن إبراهيم الدجيماء]

كل علماني يبا يلقى نصيبه فالتجارة = والخسارة عندنا فعقولنا بعد سرقتها
تتموت وباقي الاقصى أسيرٍ في حصاره = " نعنبو ناس تقول الكلمة وجت ماحمتها "