قصيده للشاعر عبدالله بن جريذي الدلبحي العتيبي في سمو الامير سلطـان ابـن عبدالعزيـز عندمـا كـان فـي رحلـه العلاجيـه فـي جنيـف عـام 1418
ياجنيـف هلـي وستهلـي بـالامـزان=زيـدي مـطـرك وزودي بابتهـاجـه
خليـك جنـه ليـن يتركـك سلطـان=اللـي علـى شعبـه طليقـن حجاجـه
اللـي علـي شعبـه همايـل وهتـان=يقضـى علـى كفـه ملاييـن حاجـه
جـوه علينـا مثـل جـوك إليـا زان=وحلى هـواء مـن جوكـم ياخواجـه
ترفقـي بـوتـار ركـبـه كحـيـلان=ليـن الولـي يرسـل عليـه انفراجـه
الركبه اللـي مشيهـا عـدل وحسـان=عـن الشريعـه ماحـدت بنعـواجـه
ما صدها عـن جـرة الحـق شيطـان=الحلـم طبعـه والشريعـه سـراجـه
امره ونهيـه مصحـف جمـع عثمـان=ماطـق للقـانـون لابــس عنـاجـه
حلـم وسيـع وخاطـرن وسـع ببـان=الله يزيـد لـه الشفـا فـي عـلاجـه
مـن الكـرم كفـه مصقـل وملـيـان=يوم قبـرو حاتـم لبـس عنـه تاجـه
اجناح عطف وضربتـه بـت الاوتـان=اليا ظـرب سيـف المناعيـر عاجـه
درع السعودي يوم روغـات الاذهـان=ان جاء نهار ظـرب ملحـه عجاجـه
قايـد سمـا ومجـود بـر الاوطــان=نشبـع منـام ونـوم طرفـه سهاجـه
يا جنيف لومعنا علـي الجـو جنحـان=رجنـا علـي جـوك ملاييـن راجـه
ياجنيـف لـو قلتـي عنـه رغـبـان=قلنا عليك مـن الخطـا فـي حراجـه
عـن دارنـا ماهـوب سالـي ولهـان=حنـا دكاتـرة البشـر فـي مـزاجـه
ليا شافلـه مـن يمنـا نطـش عربـان=زادة مشاعـر سـيـدي بالهجـاجـه
الله يـرده لـيـن نعطـيـه الايـمـان=ونحـب متنـه فـي نهـار المواجـه
قــصــيــده لـلـشـاعـر:عـبـدالله بــــــن جـــريـــذي الـدلـبــحــي الـعـتـيـبــي فــــــي (قبيـلـتـه)الـدلابـحـه
ياسعود انـا ليـه خـوال وبنـي عـم=في وسـط نجـد مثبتيـن الرسومـى
امن القـرى محوالهـم لـزرق الجـم=خلوا زعاميـط الحصـى فالرجومـي
حامـوا بكشـب اليـا رجـوم مرجـم=مافيه غـار وشـاح خـال القرومـي
تحـدروا ومــردد الـخـال يعـلـم=امـا نـشـد ولاتجـيـه العلـومـي
خالـن علـى جنبـه نـذرع ونهـتـم=ان جاة من ضيـم الليـا لـي ثلومـي
طبو بنجـد اليـا مغـار احمـر الـدم=مافيـة بالمعـروف شـيـن يـدومـي
صالوا وجالو وافتـرق شمـل والتـم=ليـن ارتكـوا بنحورهـم للسهـومـي
مـن الذويـبـي للدياحـيـن لـدهـم=لمـداوي الزيـدي كلـوة القـرومـي
يوم اعترض مـن دون وادي الموسـم=مالوا علـي ربعـه مطيـح النجومـي
وابودخـن جـالـة نـهـارن مغـنـم=اول نـهـارة قسمـنـا فالقسـومـي
وانشـد بنـي سالـم وتلقـى معـلـم=عـن ليلتـن فيهـا تضيـع العزومـي
منهـم ذبحنـا كـل حـرن مـحـزم=لوذبحـوا خالـي ولحقـوا لحـومـي
ومع الخوي يشهد لهـم جمـع مزحـم=شالوا خوي الجنب رغـم الخشومـي
شيـل المطيـري والعرافـه مكـظـم=قيـده حديـد وبـربـاط محـزومـي
هيجيـن قـدم نحورهـم رميـهـا زم=لين انكفوا يصقـل بيـاض الهدومـي
واليوم مـن عـرض المخاليـق ننعـم=فـي ضـل حكـام علينـا عمـومـي
نرقـد تحـت رايـه فهدنـا المعظـم=اللـي يزيـد النـا المذاهـب سلومـي
فـي سلمنـا عـود الجماعـه محشـم=كبيرنـا طـول الـيـال محشـومـي
صغيرنـا لـو ينهمـه قـال لـه سـم=ارحامنـا وصـا عليهـا الرحـومـي
مـن لاعمـل بوصـاة ربـه تهـذرم=هذاك مـن كـل الجميـل محرومـي
قصيرنـا ماقـال لـه ورعـنـا بــم=ون زارنـا العانـي تنسـى الهمومـي
على القصيره نضفـي العيـن والكـم=دايـم عـلـى غراتـهـا مانحـومـي
مثـل النـذول اللـي دورهـا تقمقـم=اللي علـى الجـاره تقـول محمومـي
ان مامشـت رجلـه قفاهـا ونمـنـم=خبلن على راسـه تحـوم الرخومـي
ودخلينـا يـرقـد عـزيـز مـكـرم=ليـن نتحرفلـه بـسـد الخصـومـي
امــا دفعنـاهـم بسـلـم مـسـلـم=ولاكفلنـالـه بوجـهـن هـجـومـي
والظيـف ترحيـبـه عليـنـا مـقـدم=ماننشـده وش جايبـه مـن لـزومـي
يمضـي الشهـر دولـه علينـا معمـم=يقلط على حيلـن غطتهـا الشحومـي
عادتنـا يــوم القضـامـه تقـضـم=يـوم الجـراد مـع الكثيـر معدومـي
بوجارنـا تلقـي الخـلاص المعـجـم=في حيـد صفـرن نجرهـن ماينومـي
صـفـر جــداد شغلهـنـه مبـهـم=رسـلان ختمـه فوقهـن مختـومـي
نصفح لهـن هيلـن خشومـه مزمـم=هيلن عليـه مـن العويـدي رسومـي
دايـم عليـه العـود الازرق معجـرم=عود الهنـود اللـي غـلاه محتومـي
والبـوق واللـي للبـلايـس يـخـرم=نكفى لـه الفنجـال وسـط اللمومـي
ولنـا علـى سـد الذواريـب مغـرم=دم الخطـى بيـن الجميـع مغرومـي
يشهـد علينـا كـل رجـلـن مـذمـم=والنـذل والحاسـد عسـى مايقومـي
هـاذي فعـايـل ربعـتـن ماتـنـدم=الاد دلـبـح مدركـيـن النـعـومـي
هذه القصيدة للشاعر عبد الله بن جريذي الدلبحي قالها عندما كثرت المناقشات في وسم الروقة المسمى المغزل عندما حرف الى الحنتوشي والقصيدة تعبر عن ذلك
والله مابا الشعبثة في بعض الأوراقـي=لو(ن) بعض الخطا تمرضني اوراقـه
قامت تروج الهـروج بـدون ميثاقـي=والوسم عـدل علـى نطقـه وميثاقـه
خموه بعض العرب مع زود الارزاقي=كلن يحطه علـى لحيـه اليـا افتاقـه
انكان وسم الجدود الى مضـى باقـيتراقي= فوق العهـد وابـوق مـن باقـه
وانكان انـا دلبحـي والاسـم لنياقـي=ماضاع جدي على شـان اتبـع الناقـه
حنتوش ماهوب جدلـي ولـو ضاقـي=والحق مـا يزعـل الرجـال منطاقـه
جنبن امباري مثل عاصـي وزراقـي=من ضمن طلحه اليا لحقوا على الساقه
وسمن رضوه الطلوح بفكر واخلاقـي=وان حنتشوه الطلوح يـروح باخلاقـه
اليا حصل فيه هضم حقـوق وانفاقـي=في نجد انا مامشيت اب ختل واسراقـه
مثبتـن ماقفـي فعـلـي وملحـاقـي=والناس كلـن علـى فعلـه وملحاقـه
وسمي على اللحي لاحي فيه مفراقـي=وان زدت لاح المطية عنـدي الطاقـه
مانيب محكوم فـي لامـاي وافراقـي=كلـن يسـوي علـى فكـره ومالاقـه
قـصـيـده للـشـاعـر عـبــدالله بـــن جـريــذي الدلـبـحـي مـهــداه للـشـيـخ مـعـجـب ابـــن نــافــل بــــن مـحـيــاء
ابا انصا الرفيق اللي على شارع الكيال=فتح باب قصره لين ضيف العشاء جاله
نصوه الرجال وصار لهل الوفاء مدهال=رسى في شداد الطيب والطيب حيالـه
اباعند معجب ضحكه السن والفنجـال=تكفي اليا حصلـت معجـب وفنجالـه
انا رفقتي مقبـل بهـا غيـر لرجـال=احب الرجال اللي لهـم وجـه وقبالـه
مرافق على رفقة ولـد عـم والاخـال=ارافق على مخراج عقلـي ومدخالـه
مجامل مع الرجال طمعه طفاس المـال=ابا الوجه يعط الطيب ون جـاه يندالـه
اقيس الرجال وكلمتي لرجـال تشـال=وثمن لراع الطيـب وعطيـه معدالـه
مداني خبول الناس لو يشرحون البـال=مرد الخبول مـن المواجيـب مهتالـه
انا اشوف معجب لو يجود الحبال طوال=يمد الحبال ويظرب الحبل فـي جالـه
مـراقـيــه لـــــو يــرقـــى تــزيـــد الـجــبــال جــبـــال= فـعــايــل ذوي بـــــراك يــرقـــى وتـرقــالــه
وراه الرجال اللـي تهـول ولاتهتـال=هل الخيل والنوماس والفعـل والطالـه
يصادم حمولن في سلوم الرجال ثقـال=عسي من يهوز الطيب يقـدر ويشتالـه
حمولن مهيب الكيس ومسربل السربال=نهار يبيـن القـرم ويشـاف محوالـه
كبار المراجل يوم فعل الرجال لحـال=مهيـب الـدوادي بيـن ناقـل ونقالـه
مـــــــــن أروع غـــزلـــيـــات الـــشـــاعـــر ابـــــــــن جــــريـــــذي
------------------------------------------------------
هـذه القصيـدة مرسلـه مـن الشاعـر عبـدالله بـن جريـذي الدلبحـي ألـى الشاعـر فـهـد السـواجـي العضيـانـي
البارحة من مونس الصدر غنيـت=وأشوف صدري ينشرح مع غناية
قمـت أتقلـب وأن تقلبـت ونيـت=وان قمت للهوجاس يسري ورايـة
ياراكب ألي عايروا مـاه والزيـت=جمس(ن) على البيبان فيه المراية
وارد جميح ومـن حفيـزه تنقيـت=ومساعده زودت طقمـه أعنايـة
تله ليامنـك يابـو نمـر صليـت=وأخـذت فنجـال تسوقـة أيدايـة
ملفاك قرمن من رجال(ن) نعاتيـت=عضيان تلقاهم علـى كـل شايـة
مانيب مادحهم مـن المـدح كفيـت=عمهوج فارضهم على كل رايـة
أنطح فهـد وأليـا تبيـن وطفيـت=رد السلام وصافحه فالبدايه
واليا قلطت ونشدوك وتقهويت=قل عجلوا يابن السواجي غدايه
قله تراني فأوسط السـوق طبيـت=مدري من الرحمـن ولا غوايـة
ولو كل مقضاتن تناسـب تقضيـت=لكـن ماكـل المقاضـي هوايـة
أخذت لي فالسـوق فـره وفريـت=لين أستقر السوم وأقبـل شرايـة
ويوم أنحرفت وقلت للسلـم مديـت=وأليا العرب تنبش عليـه أعدايـة
الله حسيبي فوقهـم ويـش سويـت=لو أصبرو يومين شافـو ذكايـة
جوني علي غفله وانـا ماتحريـت=مرهن على الموضوع وأسرق خفاية
عرفـت لازمهـم ومنهـم توذيـت=لاكـن عميانـن هدفهـم عمايـة
ليتك تعايـن يافهـد يـوم فزيـت=فز الغرير ألـي عليـه الحوايـة
يوم أنخلـج قلبـي بعـد ماتهنيـت=مع واحدن يسدى قرونـه سدايـة
أصبحت من عقبه مريض وتكويت=والكي والدكتور ما احرز دوايـة
لاعاد شغلن جابنـي ليـن ناديـت=أول قرادت مرتـي مـن ندايـة
ليته سفهني واستحى يـوم طقيـت=لكـن جاملنـي وحصـل وذايـة
واليوم بالبصمات خاضع وقريـت=وألي حصل ياناس فيـه الكفايـة
والـــقـــصـــيـــدة أطـــــــــــــول مـــــــــــــن ذالـــــــــــــك
قصيده للشاعر عبدالله بن جريذي الدلبحي العتيبي
---------------------------------------------------------------------------
هذه القصيده من قصائد الشاعر عبدالله بن جريذي وهي من قصائده القديمه
مرسله للعقيد فايح بن خاتم بن مسعد الدلبحي
يقول فيها.....
الا يا نديبي قم تولـم خـذ المظـروف=على اللـي تعاشيقـه بالارقـام مكتوبـه
ركوبه يسلي والتعاشيق خمس احـروف=اليا جالغشيـم ابطارتـه بـان عذروبـه
على كدلكن سطحه على سايقه مكشـوف=يصكـه ويفتـح بالتماتـيـك باسلـوبـه
صفه بويته لونيـن ومـورده معـروف=على لون كشنه بويه السطـح مطلوبـه
عليه الغلام اللي سرى مع مخيط الشوف=على المرتبه حط العشاء وزن مشروبـه
اليا عشقه بالـدي كنـه عطـاه اكفـوف=تهـزع ابميقافـه يبـا نـوش عرقوبـه
من الساحل الغربي نقل هاين المصروف=تقول الرياض ابطارف الجيب من ثوبـه
ملافيك فايح عنك يبعد اشبـوح الخـوف=زبون الدخيل اللي هل الديـن صكوبـه
اليا جيت بابه قل يافايح لفـاك اضيـوف=ترى الباب فاتـح والمباهيـر مصبوبـه
ايهلي اليا شافك وتلقى العيـال وقـوف=اكل حايله ثـم سلمـة خـط محسوبـه
تعذر منه ثم قل يافايـح وراي اظـروف=لزومي يعرفه مايبـي علـم فـي نوبـه
ابى خدمتي لودونها صار ضرب سيوف=ما هوب العبيدي وابن شلهوب وحروبـة
انا مانخيتة غار راقـن طويـل النـوف=ولد خاتم اللي يكسر الجيـش بسروبـه
يحوف المعادي يوم وقت الطعن والحوف=واله ماقفـن يومـن مـرداس هجوبـه
أنا البارحه عيني قضت نومها سجات = تناوب مع القلب المعنا بسجاته
أليا قلت بات الطرف عيا الفؤاد يبات = سرى الليل كله بين فزه وغطاته
ألا يانديبي فوق من يقطع الفرجات =جديد الجموس ألي على النقر دقاته
نقيته على عيني وأخذته من الجمسات = على أخر ريال مورده حط لوحاته
مصفح ولونه فيه فارق عن البويات = حمر والرفارف بيج لونيين بوياته
دبلت المساعد ما تكلته على السستات = ورهمت سته تنقله عن مقصاته
أبا سايقه ما ينقل الهم في اللفات = يحزم العمامه في مطبه ولفاته
فحصناه وأكملناه ماعاد له حاجات = ترينه خلص ياسعود من كل حاجاته
تولم نبي المسراح مع باحة الغبشات = ترين السفر لذة مماشيه غبشاته
تطب الجموش ضحي مع فكه الجلسات = على نطلة الفلاح ياسعود مسحاته
منازل ربوعن تكرم الضيف في الشطات = يعشون يوم الضيف هيله بمخباته
تخطر لقرمن من هل العرف والشيمات = جذبني عليه من البحر زود شيماته
ملافيك أبن نشار منصاي في الشدات =حزامي ليامن الدهر شال شداته
أليا جيتلي فيحان قابلك بالضحكات = تكفيك عن باقي المخاسير ضحكاته
تعذر منه وأنكان لزم تغد الشات = وأخذ ما تيسر من مقاديم خلفاته
وأليا زان بالمجلس وناوشك بالنشدات = عطه خط أخوك وبخصه كل نشداته
أبشكي على فيحان شكون تبى فزعات = كبنه ولد من فالقا جات فزعاته
ولد من نعده يوم ننشد عن ألي فات = أليا عدت الوقفات تنعد وقفاته
انا ياخو فاحا فالهواء صارلي دورات = وللى فالوطن مثلك تجنبت دوراته
ابا أشرحلك القصه وأبا أبديلك السبات = وأعلمك جرحي وش طبه وسباته
أنا ألي ذبحني ما يخلى ولا ينفات = على زين دله منسبه فيه ميزاته
ألا ياعيون ألي تقفوه بالرنجات = يصيحون والدربيل مع كل روغاته
يذلون من سلمان لو صار له هجات = يصيح الخوي والموت في حيد علباته
بغيته لكن أونست من دونه الحفات = ولا نويت بالمجناب لو ذقت حفاته
أسايس أموري وأونس الغبن والحسرات = وأشوف العداوه يوم أهرج قراباته
ياسعود في معجب نضمت القصيده = في مدح معجب ماعليه منـــاقيد
أليــــا مدحته بالعــــلوم الوكيـــده = تمرض ولا تبرى قلوب الحواسيد
الطيــــب نحـــريبه ونمــــدح قنيده = نبا نــــعد مــواجه الطيب ونزيد
ياســـعود سيـــرنا لـــهاك الوليده = ألــــي على بيته قلطنا تــــراديد
قرمــــن قدوم الضيف ريفه وعيده = مايدهله غـــير الرجال الصناديد
في مجلسه من كل نـــاس وبديده = روس الرجال ألي تقود المقاليد
يــــدورهم بنن دلالــــــه جـــديده = والعود الأزرق في يدين الأواليد
للضيف والعاني عسا الله يزيده = الله يخلي عروة للأجاويد
الطيب ما يضوي على من يريده = دونه يعجزون الرجال البواليد
من لاتعب للطيب مدرك بعيده = ولاكل من يتعب ينول المقاصيد
الطيب محد(ن) عايفه لايفيده = لكن مال الطيب ماد وتحاديد
يقدر عليه ألي حباله جويده = ألي مثل معجب طلوعه مسانيد
مورثه براك مدحـــــــه وجيده = من ربعتن مسترفد المدح والجيد
مـــن ربعتن شبو بنجد الوقيده = مايشربون ألا قراح القراهيد
جده على موته تباشر عبيدة = ألي بقو عقب الدفينه ملاهيد
كم من صباح فلسه من عقيده = شمر على فعل المحيا شواهيد
لو راح ماعقب عيال وشريده = والله لتبكي روق فوقه صراميد
هذه القصيدة قالها الشاعر عبدالله بن جريذي الدلبحي
ياراكب اللي ماكتبه على الباب=ماسجلوا رقم الحرس فوق بابه
مامرونه جنود خبره وكتاب =اليا ضوا الجندي عريفه سرابه
من الوكاله ماتسجل الجلاب=شيك عليه وسددوا في حسابه
ماطب فالموسم يبى منه ركاب=في البايكه وملحفينه ثيابه
مجهزينه للطواري والاطلاب=وقت اللزوم انشغله ونعنابه
اليا ناشه الثالث تمرقص كما الداب=ماينقل السواق همه خرابه
يفز فزه ريمن العصر منصاب =ذير عليه وعلقوبه صوابه
جمس خفيف وزينه الخط مهذاب=ودريوله بمباشره في هبابه
الظهر من جده يودع للاصحاب=مع سايقه شال الدليله زهابه
شين خفيف وحط ابوقرن بقراب=وفكوا عن الدربيل جلده اقرابه
واعصير قد مالوا بوديان واشعاب=والحفر للدربيل حزمه زمابه
ملفاكم اللي للمواجيب ماهاب=قرمن على الطولات ناشن شبابه
ذكره تعدى من ربوعه للاجناب=ماشاب عند انثاه ماحد ن درابه
اشقير ملفاكم بعد مس الاتعاب=مبعد اشبوح الخوف عن من لجابه
تلقاه دايم ضاحك البال مرحاب=للضيف والعاني وسيعن ارحابه
تصدروا في مجلسن طيب واطياب=مع من وجدتوا قدمكم من عتابه
تلقون فالمجلس طراقي وعزاب=غير المسير من بيوت القرابه
واليا تعشيتوا وشيطانكم غاب=عطوه خطي واتركوه لجنابه
ابشتكي لشقير من جور الاحباب=جور الوليف اللي ذبحني عذابه
اليا جيت مع دولاب جاني بدولاب=واليا نويت القرب هجره نوابه
خلي قطع فيه بلا ذنب واسباب=وانا محب ولاعليه معابه
خلي بدارن لامزارع ولعناب=دايم على راعيه يكثح اترابه
وانا على ماقيل عاشق وكساب=ابا الوليف ودارهم ويش ابابه
ياشقير لو الزين عاتبني اعتاب=اشوا من الهجران واقبل اعتابه
عينه كمى عين اشقر الريش نهاب=اليا اهوا على جول الحباري عدابه
اليا اغضى هدب عينه على خده احراب=وانا سلهمن ياشقير حل القضابه
واليا وقف قرنه على المتن منساب=واليا مشى كنه بجمرن وطابه
واليا قعد عضيت خصري على الناب=ولعنت في صدري زمانن مشابه
واليا هرج لمصومع القلب جذاب=لو شافه المسند تجاهل اكتابه
ماعاد ميز بين عما والاحزاب=قامت اسورها في اعيونه تشابه
ياشقير سلمته وسامه مع الكاب=ورتبه فريق اول بزينه وادابه
ياشقير غربلني وانا صرت مرعاب=وعندك خبر في الحب ماله نيابه
ياشقير خلي وسط شرطه ونواب=وانا وحيد ولاستطيع اقترابه
ولو المراد اضروب دبسى ومشعاب=والله لقف وقفة صمايل واجابه
مير البلى دونه يسنون الارهاب=ناسن حسب ماعرف يبون الحرابه
وانتم ذرى مثلي اليا خاف وارتاب=الطير بالجنحان واشك سحابه
يمناي واسلاحي وربعي والاقراب=ريفي اليا جات الليالي اشهابه
تزبن على انحك مخلاب مخلاب=وازبن عليك اليا احدني اذيابه
تكفى يابن عساف جات ام غصاب=ابغاه هوش ومال والانهابه
انكانه بالمال لاتحسب احساب=لوقال مال الراجحي لاتهابه
وانكانه بالهوش تفنون الارقاب=كم شيخ قومن رمح جدك غدابه
وانكان بالحيلات واملاوى الاطناب=انتم هل الحيلات وانتم ذهابه
ياشقير لاتافر وليفي ولو تاب=اليا وليتوا بشروني بجابه
قصيدة المؤية للشاعر عبدالله بن جريذي الدلبحي موجهه لقبيلة الدلابحة من الروقة من عتيبة
ياسعودأنا قلبي مع الجمش دايم = دايـم علـى بالـي مجـالة وطارية
جمــش(ن) بــنوه معــصبين العمايم= لين الســواقي درجــتها سوانية
الأد دلبـــــح مبــعديــن العـــزايــم = ليا غـزوا بالجــيش بادة سمــارية
أليــا رمــوا قــدم البـيوت المسايم= واللي يبت الراي شـاور منــاجية
يبون مركــــاض(ن) يجيب الغنــايم =قد ثبتوا في أول شهرهم حراوية
قــد نسـوا أخباره رسوس العلايم = ألي تبســط من قشرها قــوافية
وقــتن مقــيم ونــقذته بالنقــايـم = من لا نطح وجهه تعشو رعــاوية
يــوم المــراجل لايحــات الوسايم = كم لا حين نطرح عليهن عراقيـــة
نكسب عشى ليله ونصبح صوايم = وقت(ن) على كل القبايل بلاويــه
كــلن يحصــل عشيتــه بالــزرايم =كسبه أليا جابه زكاته حذاويــه
ألــيا بغــانا نفــتخر بالــقدايــم = يرجع لنا يوم تعـــاقب عــــزاويه
أمــا هجــاد ينفجــع كــل نـايم = ولا صبــاح نضــربه مع مثـــانية
مــا جــاتنا طــولاتنا بالحشــايم = جتنا بعــد يـــوم ثبتنا لـــراعية
يــوم بعد ضــربه تبــين الــندايم = راس(ن) يثارينا وراس(ن) نثارية
كم راح من شيخن عليه الرحايم = نونس غبونة لين نصــبر ملاديـــة
نرعـــى يتامــانا ونيتم يتــايم =محـــدن يعزينا ولاحـــدن نعـــزية
اسبورنا وصلوا جبال التــهايم = كم راس زيدين نفضنا الملــح فية
يوم الغراء مطموعنا والبشايم = والماء يغش بطـــونا من مـــلارية
صولاتنا يشبع بها كل حـــايم = يشهد جزاء والعبد سايف وعانية
والمندهة كثرت عليه اللـــوايم= لاموا بني عمه خـوي(ن) مخلـــية
خوينا شلنـــاه جمعـــه ردايم = بعد رمـانا الهـــيج للي نماريـــه
أليا أحتزمنا بمهات الحــزايم= مشـــوك العـــبرود نلحم مرامية
يوم ابتلــونا شايلين الــوزايم= جـــاهم نهـــارن ماتعوده شلاوية
ننطح أليا قمنا وجيه الزحايم = راس(ن) نصافحله وراس(ن) نعادية
وليا بلعنا مرهـــا بالطعـــايم = نضرب نحور الخوف ولا علابية
مانحتري رد النذر والشتــايم = بـــارق يـــبارينا وبــارق نبارية
وأليا كسبنا ما علينا زعــايم = نمسح وجيه من دخلـــها تنجيــة
منيعنا لو راح عضمه حطــايم = نركز مجابيره وجرحه نـــداوية
وأليا جبر نعطية واف السنايم= أللي يرده لين نحمي مكاوية
لو راح مادامت عليه الســلايم= يرجع علينا ليـــن ربي يحافية
النا نصيب وكلــها بالقســايم = والحض عند الله يمده ويعطية
والبا هرجنا ما نحب الضــلايم = سلاحنا صدقن نبيعه ونشرية
ياماحلاياسعود هاك الخــرايم = بأطراف وسمين تفاهق خبارية
ماريعــه حليت لــدنا الحـــلايم = عسا السحاب أليا تحدر يساقية
أليا طفح جمران من كل عايم = هذي طراة الروح واغلى مناوية
دارن عليها القلب مغرم وهايم =أهيام حب(ن) ما ينوش الهوى فية
محــبها لمــرودعات الوشايم= أخذت منها ألي فؤادي يسلية
حبي لتاريخ الرجال العضــايم = ألي بني عمي تعلوا مراقية
من مات عقبلة عيال(ن) هوايم = تفرق عليه أليا ذكرته نوامية
زادو علــى طيــبة دلال وولايم = ومطرز السجاد ناطا غلاوية
ومسلحــاتن مــالهــنه وقــايم =ما يسمع الرجال فيها مناديه
بأسوارها تطلع فروخ العجايم = بخشوم برحين تقاطر مجانية
يالاد دلبـــح خــلو البني قايم= ترى سنام الطيب طولة مبانية
وألي يبا تشتيتكم لا يشــايم = يضرب على الجاهل وتوخذ نواصية
لا يدخلون قلوبكـــم بالنمايم = ترى الحسد فالناس كثرت شوارية
تجودوا فاللي يحزم الصمايم= في ضل أبو فيصل وفية عوافية
حكـــم علينا طول الأيام غايم =الله يهنـــينا وراســـه يهـــنية
قرن من الهجره سنينه نعايم = تذن مواذنته وتقضي قـــواضية
كف الجهل عنا وسيع الكمايم =عبدالعزيز ألي عسى الخلد تؤية
الشاعر / عبدالله بن جريذي الدلبحي ..
« آخـــر الـــمـــشـــاركــــات »
02-Dec-2004, 01:26 AM
ديوان الشاعر عبدالله بن جريذي الدلبحي العتيبي
العرض العادي
