زبدة الهرجة و ما فيها ..!!

[وصل العطياني؟؟؟]

السلام علاكم

هذه قصيدتي في مناسبة الأخ العزيز : شدّاد الزراقي

يا هاجسي زبدة الهرجة وما فيها = ضبّط قصيدة ونقــّحها وعطنيها
أما تسوّي قصيدة زي ما ابغاها = والاّ بلاشي قصيدة لا تسويها
قصيدتي مثلاً لو جات في مجلس = لو إن غيري من الشعـّار يلقيها
اللي عرفني ليا منـّه تسمّعها = إيعرْف رسمي عليها حين يوحيها
ومن لا عرفني ليا منـّه تسمّعها = قال الله إنـّه يبيّض وجه راعيها
ماني براعي بيوتٍ من ينقــّدها = يقول عز الله انه ما تعب فيها
بالذات في واجبٍ راعيه ينخاني= ابدع بيوتٍ تشرّف يوم اغنّيها
يلزمني الواجب وتلزمني الخوّة = ووقفة خويّي معي ماني بناسيها
طبيعتي ما اندرق عن لازم أصحابي =والناس من له طبيعة ما يخليها
ما جابنا الاّ غلا شدّاد وربوعه = ربعٍ على العز ّ حاضرها وماضيها
الإسم معروف والأفعال معروفة =والساس عزوة بعيداتٍ هقاويها
العزوة اللي من العارض ليا الحرّة=قبيلةٍ يفجع العدوان طاريها
قبيلتي تاج راسي كيف أبا أمدحها=والمدح بالشعر لا يمكن يوفـّيها
من حبّ يمدح عتيبة فالله يعينه=يطرق بيوت الشعر عن بكرة ابيها
والشعر يحتاج شاعر يتعب أفكاره=قصيدته من صميم الفكر يبنيها
أوّل ما يختار فكرتها ومعناها=بعده يفكّر على أيّة بحر يرسيها
ويصوغها من ذهب ماهو سوات اللي=اول ما يختار لأبياته قوافيها
ويركّب أبيات لا تتعب ولا تطرب=نفرض ليا منــّها صارت على إيــها
أوّل ما يطري على باله ليا غنـــّى = النار ما تحرق الاّ رجل واطيها
طيب وتدرون وش هو بيته الثاني ؟ = صحيح ما للرعية غير راعيها
عز الله إن الرعيّة مالها راعي = والوضع منحاس مير الله يسويها
شعار تبدع وتنهج منهجٍ واضح=وشعّار ما تدري الله وين مغديها
والله لو إنّ لي سلطة على الساحة= يا فيه شعّار لآخذها باذانيها

تحياااااااااتي .

التوقيع

na111na@hotmail.com

[علي الشهراني]

الله الله


بيض الله وجهك يا وصل


قصيده محبوكه و مسبوكه


صح لسانك عدد ما قلت

[سـعـد الـعـصـيـمـي]

الله إنّه يبيّـض وجـه راعيهـا

صح لسانك وسلم بنانك

..

[:: محمد النفيعي ::]

الله إنّه يبيّـض وجـه راعيهـا

صح لسانك وسلم بنانك

..

[أخو جوزا]

وعليكم السلام يابومشهور

شعار تبدع وتنهـج منهـجٍ واضـح
وشعّار ما تدري الله ويـن مغديهـا
والله لو إنّ لي سلطة على الساحـة
يـا فيـه شعّـار لآخذهـا باذانيهـا

صح لسانك

ودك تؤخذ باذانيها ثم يوطاء على علابيها مع جمهورأ مراهق سارح فى مفاليها

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[مشاري]

صح لسااااااااااااااااااااانك وعلا شاااانك


ابياااااات جزله من شاعر جزل


لك تحيتي

[بعيـد المرامع]

زبدة الهرجه..ومافيها..

وبلا مجامل..

انك ..فوق مستوى الاشاده..وبمراحل..

وبيض لله وجهك..

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM

[مرزوق حمدان العتيبي]

قبيلتي تاج راسي كيف أبا أمدحهـا
والمدح بالشعـر لا يمكـن يوفّيهـا
من حبّ يمـدح عتيبـة فالله يعينـه
يطرق بيوت الشعر عن بكرة ابيهـا


الله الله عليك يابو مشهور

وقبيلتك حق لها ان تفتخر بأبناءها البرره امثالك


...





والله لو إنّ لي سلطة على الساحـة
يـا فيـه شعّـار لآخذهـا باذانيهـا

..

هذا والله الكلام ..


صح لسانكـــ يابحر .....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالله الجـــذع]

الله انه يبيض وجه راعيها

صح لسانك يابحر


محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[معلا إبراهيم الأسعدي]

صح السانك يا وصل وافي ياراع الوفا ابداع من شاعر كبير وفقك الله

التوقيع