صدور الرجال كنوز واللي وراها غيب -- وعن غيب محكمت الصناديق ما يدرا - الهيـــــــــــــلا *** منتدى قبيلة عتيبة

ابن صنهوت · 14-Jan-2010, 05:35 PM

اليكم هذه الابيات اعجبتني فحبيت ان اصافحكم بها لا اعلم من قائلها

انا يوم اجنب بعض الايـام ولا اغيـب =عن اهل البلد واصد في نازح الصحراء
احاول على التجنيب مادام لـي تجنيـب =عــــن المجتمـع ومقابلـت نـاره النكـرا
ابي زلتي تبقى عن المجتمع في الجيـب =ولا ازرى على بعض الرفاقـه لا يـزرا
طعون العدى تبرى وطعن القريب صعيب= تشالا الجروح وجرح الاقـراب مايبـرا
صدور الرجال كنوز واللي وراها غيـب =وعن غيب محكمت الصناديـق مايـدرا
لكن الشدايد يظهـرن الـردى والطيـب =وعشاقها لا هـب نسناسـهـا تــذرا
مصيبه اليا صار الخطا في الحياه مصيب =وحول عزيز النفس مـع جنبهـا يبـرا
هذي الحاجه اللي مثل ماقيل تفرا الجيب =عز الله العزيز انها لصم الحجـر تفـرا
لا جاء الثعلب المكار يبغى مقام الذيـب =وقلـد زماجيـر الاسـد بسـتٍ تـقـرا
وانا في حياتي ما اتخذت الردي صحيب=ولا اخاوي الا كـل مـن خوتـه تشـرا
رفيقٍ ليا ضاقت ووصلت زرار الجيـب= تسابق على الفزعات يمنـاه واليسـرا
ولا شفت خبلٍ حادر له مفيـض شعيـب= على سمعته من هرجت الناس مايـدرا
تركته يروح ولا معي شـك ولا ريـب= محبه قلـوب الخلـق ماهيـب بالجبـرا
ولا ما ابتلاني وانتهى الصبر والتطبيـب= بليتـه بـلاه الله بالطامـه الكـبـرى
نعيش الحياه احرار واللي تجيب اتجيـب= لنا الصـدر دون العالمينـا او القبـرا
ونـاس تقلبـهـا شياطينـهـا تقلـيـب= الـى الله من نياتهـا الخاربه نبـرا

وسلامتكم

علي الشهراني · 14-Jan-2010, 08:34 PM

صح لسانك و يدك على النقل الموفق

ذااااائقه رائعه بروعة صااااااااحبها

أخو جوزا · 14-Jan-2010, 11:47 PM

اقتباس:

سلمت يابن صنهوت

التوقيع

قال الله تعالى:

﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾