يا ليـــــــل ..

[عبدالله بن طلال]

كيبوردية متواضعه !! من أدغال الغربه ..


حيث احنّ لأهلي.. وموطني ..

يا ليل .. قل للجرح : تصبح على خير = اصحى تذكّرني فراق العشيره
يا ليل .. ياشين السهر والتفاكير = والخاطر المكسور ما له جبيره
اقفت بي الدنيا وانا توّي إصغير = أطرد ورى رزقي وأحثّ المسيره
وأنا تحت حكم القضاء والمقادير = جسمي بديره .. مير .. قلبي بديره
لي لابةٍ .. مابين (جمران) و(النّير) = يوم الملاقا يخلفون البصيره
الطيبين الشامخين المناعير = ربعي حزامي والسند والذخيره
لا حل ذكر مخرّقين الطوابير = بالشّلف ولاّ بالسيوف الشطيره
على ظهور الخيل ولاّ المظاهير = عقوبةٍ فوق العدو مستطيره
ولاحلّ شروى الضيف ولاّ المسايير = من لا وجد له كبش ينحر بعيره
اهل الكرم ما حسّبوا للمخاسير = وقت الرخاء ولاّ الليال العسيره
والجار له حشمه وقيمه وتقدير = والمستجير ..ادنى الجماعه.. يجيره
وحق الخوي ..مانرخصه.. بالدنانير = الروح .. دونه .. ماتساوي شعيره
اقفت بي ظروفي .. ولا لي معاذير = لكن حمول الوقت فوقي كبيره
افرح لطاريهم وأسوق التباشير = والآدمي في يدين ربي مصيره
ولا بدّ لو طال الزمن يرجع الطير = في ماكره لو كان يبطي مطيره

[/quote][/quote]

[فايز بن سرحان الثبيتي]

الله الله


صح لسانك يالقرم


عبدالله بن طلال دائما ماتفاجئنا ""

"

"

بيض الله وجهك على هالسمو والتالق وعسى الله يردك سالم وغانم لربعك وديرتك

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[طلال ناشي]

الله الله


صح لسانك يالقرم


عبدالله بن طلال شاعر تستحق الإشاده""

"

"

بيض الله وجهك على هالسمو والتالق وعسى الله يردك سالم وغانم لربعك وديرتك

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

[مطر حمود]

الطيبيـن الشامخـيـن المناعـيـر
ربعـي حزامـي والسنـد والذخيـره
لا حـل ذكـر مخرّقيـن الطوابـيـر
بالشّلـف ولاّ بالسيـوف الشطـيـره
على ظهـور الخيـل ولاّ المظاهيـر
عقوبـةٍ فـوق العـدو مستطـيـره
ولاحلّ شروى الضيف ولاّ المساييـر
من لا وجد له كبـش ينحـر بعيـره
اهل الكـرم مـا حسّبـوا للمخاسيـر
وقت الرخـاء ولاّ الليـال العسيـره



حيك وحي ماجبت


دائماقصائدك غير وبداعاتك فريده

ولو ماقلت الا البيوت الخمسه هذولي كفن


سلامي لك وتحياتي وعجابي المتزائد

اخوك مطر

[عبدالله بن طلال]

المشاركة الأصلية كتبت بواسطة ابن سرحان الثبيتي

الله الله


صح لسانك يالقرم


عبدالله بن طلال دائما ماتفاجئنا ""

"

"

بيض الله وجهك على هالسمو والتالق وعسى الله يردك سالم وغانم لربعك وديرتك

صح بدنك ولا عدمناك



وجهك ابيض ولاهنت



ومشكور على دعائك الاخوي الطيّب



تحياتي لسموك

[الــوآفــي]

ابو طلال


يفخر الشعر بقصائدك

بل اكاد اجزم بأن الشعر ينخر ذليلا امامك


صح لسانك صح لسانك صح لسانك





متابعتي لكل حرف

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[عمرالروقي]

أبو طلال
.
.
.
.
الله
الله

قصيده جميله
وصح لسانك

وكلنا شوق
لجديدك ايها
المبدع
.
.
وتقبل
أجمل تحياتي

[علي الشهراني]

صح الله لسانك و لا فض فووووووك


و ان شاء الله ترجع سالم و غانم

[عيد بن مرضي]

ياسلااام على الأبداع

قصيده من اروع ماقريت ف/الغربه

صح لسااااااااااااااااااانك

[عبدالله الجـــذع]

الله اكبر

شامخه بشموخك ابو طلال

يعانق جمالها السماء

هنا الشعر لمن اراد التامل فالامتاع والتعلم من الابداع


لافض فوك

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا