يالله يامعبود .............

[فرهودي]

يالله يامعبـود ياعـالـم الغـيـب = ياواحدن كـل المخاليـق ترجيـه
ماغيرك الي نطلبه خيـر ويجيـب = وماغيرك الـي فالنـوازل نناجيـه
الوقت خلا الورع في راسه الشيب = والشر في كـل النواحـي نلاقيـه
راع الخطاء تال الزمن عوٌد مصيب = وراع الصواب اتساق فوقه مشاريه
ماعاد نسمع راعي الجود والطيـب = ماعاد نسمع غير " مازن " وطاريه
الي يجاهر بالشرف صار له عيب = والي يجاهر بالردى .. حيٌ راعيه
وين السيوف الي تقص المشاعيـب = في حكم شرع ٍ ينطق الحق قاضيه
فالشرع مانلقى نقـوص وعذاريـب = شرع ٍ منزٌهه بامر ربـي وحاميـه
احوال جيل اليوم صارت تعاجيـب = ماعاد تدري بنـت ولا ولـد بيـه
ما به شبيه الصقر والنمر والذيـب = مغيـر زول ٍ تطلـب الله يشفيه
اطلق شنب فيهم تحصلـه شنيـب = مايصبح إلا لين بالمـوس يعطيـه
لو حدٌه الله للظـروف المصاعيـب = ماهو حزام ٍ لآقشر الوقت تشريـه
تلقى دموعه فوق خـده مساكيـب = يدٌور الـي طـول ليلـه يواسيـه
حيً الذياب الي في روس المراقيب = الـي ليـا نـاد المنـادي تلبيـه
عنك الورق مايذخره داخل الجيـب = يقضي لزوم الـي لزومـه معنٌيـه
إلها في دار العز بيت ومضاريـب = منصى الرجال الي لها علم تبديـه
دام الكرم والجود طبـع المعازيـب = مايلحق النقصان من هو قلـط فيـه
هذي علوم ٍ تمسح الجرح ويطيـب = ماهو علوم الي علومه توطيه

آخر تعديل فرهودي يوم 22-Nov-2009 في 09:38 PM.

[عبدالله الفهد الاسعدي]

احوال جيل اليوم صـارت تعاجيـب
ماعاد تدري بنـت ولا ولـد بيـه

انا اشهد بالله

صح لسانك ملايين ، باذخه رائعة بكل المقاييس


وفقك الله لكل خير

[أبو ثامر الشيباني]

صح لسااااااانكـ

يا فرهودي

واعتلى شااانكـ

قصيده جميله وحضور رائع

[ابورازن فالمريخ]

صح لسااااااانكـ

يا فرهودي

واعتلى شااانكـ

قصيده جميله وحضور رائع

[محمد الشامان الحشيبري]

هذي علوم ٍ تمسح الجرح ويطيـب
ماهو علوم الي علومـه توطيـه علم طيب وراعيه طيب البيات تحاكي عصرنا الحالي
الي مرروه الي ذكرتم مسبقا في القصيدة وصح لسانك

[فرهودي]

راعي الزلفي

صح بدنك مليار والله لاهنت ولاهان غاليك

[فرهودي]

ابو ثامر الشيباني

صح بدنك لاهنت ولاهان غاليك

[فرهودي]

ابو رازن الروقي

صح بدنك لاهنت ولا هان غاليك

[فرهودي]

الشامان

صح بدنك وشكرا على تعليقك لاهنت ولاهان غاليك