مستور العصيمي وصياف السحيمي

[وصل العطياني؟؟؟]

اشوف مستور العصيمي جاب حبله وجمله =وليا قضى تمر الحساء جاني يبي تمر القصيم
ان مد وحده من يديه املا يدي واحطله =وان كان مد يدينه الثنتين اقول الله كريم
ان كان عندك تمر جيتك بالبعير وحمله =لكن لا تخلط لي التمر الجديد مع القديم
أظن صياف السحيمي ناسيا وش قلت له =وان كان ناسي قول يا صياف.. بالله العظيم
التمر يا مستور ما عندك سنون تاكله =اكل الضروس السوس والنيبان ما فيها سليم
ياللي تبي ترضي هذاك.. وذاك تبغى تزعله =اهون عليك اللفلفة ولا الطريق المستقيم
لا بدنا نلقي لنا غيرك عميل نعامله =وانا ضروسي من حديد.. وتكسر العظم الصميم
وان كان ما تدرون ويش الراي خلوه لهله =قد قيل بالامثال ما نزال شدد له مقيم
ينفك باب الخير للطرقي وحظه يقفله =درب الصحيح يجيده العاقل ويخطيه الغشيم
اليا نقصت الكيل والمكيال قلنا كمله =حنا ترى ما عندنا فاصحابنا خشم.. وخشيم
بان الصحيح وكل رجال عرفنا منزله =احد حياته في شقاء واحد حياته في نعيم
اللي يبي كحل العيون يلد يمي واكحله =والا على قول المثل ماب الغريم.. الا الغريم

التوقيع

na111na@hotmail.com

[((الدلبحي))]

تسلم يمناك
ياوصل
ويعطيك العافيه
وصح السان مستور وصياف

[فرهودي]

ما اروع المحاورات التي يكون مستور وصياف احد اطرافها..
تجد الحكمة والفتل والنقض الرهيب..

شكرا ابو مشهور..

لاعدمناك..

[عاشق الذكرى]

لا نستطيع التعليق

على شعراء اهرام

نكتفي بكلمة ابداع من الابداع

شكرا لك اخي وصل


وتقبل وافر شكري وتقديري

[المهاجر المجهول]

ينفك بـاب الخيـر للطرقـي وحظـه يقفلـ ***هدرب الصحيح يجيده العاقل ويخطيـه الغشيـم

بان الصحيـح وكـل رجـال عرفنـا منزلـه ***احد حياته في شقاء واحد حياتـه فـي نعيـم
صح لسانهم