شمر أهل الرمح والسيف الشطير

[نايف العبيد العتيبي]

السلام عليكم

/

للتواصل ونبذ الفواصل ..!!




اضغط هنا .... للحفظ

راكب اللي لامشى كنه أمير=ايتباهى ويتغنّج في فخر
أقصد الفكسار ليش إنه خطير=موترٍ بين المخاليق اشتهر
من قبل قولي تمثّل به مرير=ووصفه فرحان بأبيات وشعر
وارد اليابان صنّاعه خبير=يقطع أميال ومسافات ووعر
في مزاياته وفي شكله مثير=معجزة يابان إبداع وفكر
لمع زيكه كنه السيف الشطير=في يمين الشمري يوم الظفر
يوم يقبل مثل موسى بن نصير=وإن تقفيته عقيدٍ منتصر
أفنس الخشه تكل خشة بعير=عابسٍ وجهه تكل ضابط خفر
أبيضٍ لونه مثل سن الغرير=أو ذكر بطس على ضفّة نهر
كشنه الديباج وأسلاك الحرير=مقعدٍ طبي وتكّاية ظهر
والسيور اللي تدور وتستدير=كن توحاّبه صدى نايف صقر
لانوى الممشى وعزّم بالمسير=وش يسوّي الرنج عنده والهمر
مايدوّر به بدل شخصٍ بصير=ولاقناه إلاّ فطينٍ مقتدر
كل حاجه تستشير ابها شوير=ماعدى الفكسار لو عندك نظر
لنّه المجلوب للدرب العسير=لنّه المطلوب بدروب السفر
مايطقّه كل محتاج وفقير=ولامسح كبوّته الوجه الودر
مركب شيوخ وهوامير ووزير=والضعيّف يفرك ايدينه قهر
لاعطاه القاز سوّاقه يطير=واعتقد لوله جناحاتٍ شهر
نيزكٍ يقطع دياجير وهجير=مثل ماكوك الفضاء يرسل شرر
سايقه حرٍ من ربوعي جدير=من ضنا الهيلا طويلين العمر
انطلاقة رحلته تلعة زرير=ومدرجه حايل وشمّر يابشر
الطنايا فيهم أبياتي تحير=كيف أوصّف مفخرتهم في شطر
شمّر أهل الرمح والسيف الشطير=تقطف أرقاب العدى قطف الثمر
محتمين الدار لاصاح النذير=لابسين الطاس والجوخ الحمر
للمعادي حنظليل وزمهرير=وللموالي يوس فندي وزهر
تكرم العاني وتفزع للقصير=تنصر المضيوم وتدوس الخطر
من زبنهم ينعم ويصبح بخير=ومن تحداهم يبي ينطح صخر
كم عقيدٍ منّهم عوّد كسير=وقام ينطي ربعه دروس وعبر
وياصلاة الله عدد ماطار طير=للرسول اللي فدى الدين ونشر

وسلامتكم

[عبدالرحمن الهيلوم]

صح السااااااانك يالغالي

ويستاهلون الطنايا
غالين يابعدي شمر

[فايز بن سرحان الثبيتي]

نايف العبيد العتيبي



لله درك على هالقصيدة ويستاهلون شمر المدح


لاعدمنا تواجدك المذهل وصوتك الشجي

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[عمر الدغيلبي]

يا سلام عليك يا نايف يا سلام

صح لسانك وبيض الله وجهك

و كفو والله عز الله انك شاعر كفو

وتشرّف و تجمّل

و ونعم في شمر ويستاهلون المدح وأكثر

لا عدمنا تواجدك يا نايف

احترامي

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[أبو مرحبا]

والنعم بقبيلة شمر الطنايا


نايف العبيد العتيبي

صح السانك على القصيدة الرائعه

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[أبونواف]

صح السانك على القصيدة الرائعه

والطنايا يستلون المدح

[نايف العبيد العتيبي]

عبدالرحمن الهيلوم

/

صح بدنك والله لايهينك
حضورك أسعدني وشرفني

دُمت بود

[الرومي]

يستاهلون شمر والله يستاهلون منبع الطيب ومضرب المثل للمرجلة .

صح لسانك يالعتيبي على هذة القصيدة .

التوقيع

migeed33@hotmail.com

[ابن مشيب]

يستاهلون الطنايا ان بغيتهم في ذرابة رجال ولافي فزعة , وصح السانك يانايف وبيض الله وجهك.


تحياتي

[ابو نشمي العتيبي]

صـــح لســـانك ياســاحر الشعـــر

وتستاهل شمـــر المدح

وتقبل مروري