ماركب فوق الخيل يامير شرواك====عند العرب والترك هم والنصارا

[الامير حريبيش]

قصيدة الشاعر صالح بن عبد الله السكيني في رثاء الامير البطل عبد العزيز بن متعب الرشيد

البارحه ما امرحت والدمع سفاك=== واعزتي لك يالعيون السهارا
لين اذن المذن مع اذان الادياك=== والفجر حل وحل فيه انتشارا
والحال نشت كنها مطرق الراك=== الى طواه اليبس عقب الخضارا
عليك ياخيال دمثات الاورك=== لاحققن الجفل مثل العفارا
مرحوم يلي تطعن الخيل يمناك=== لاحل فصلٌٌٍٍٍٍٍََُِِِْ في نهار المثارا
راعي الهليب اللي جذت به تمناك= ==الى نسى كل المراجل وحارا
ما ركب فوق الخيل يامير شرواك=== عند العرب والترك هم والنصارا
قيست من رايك وحدرت الاترك=== أهل الكروب مخربين الديارا
الله يعوضك بالعفو عقب دنياك=== وأرجى عسى لك عند ربك وقارا
لو البكا من مات رده بكيناك=== بالحزن نبتل ليلنا والنهارا
مرحوم ياشيخَ كبارَِ عطاياك=== يامال طيب ياعشير السكارا
يازينة الدنيا وياعز من جاك=== مرحوم يامغني الضعوف الفقارا
يانجد عقب مبيد الهجن عفناك=== اللي يجر محجلات المهارا
بعناك بيعة مرخص ثم ننساك=== الاان ظهر متعب سواة النهارا
جيناك وأغليناك لو غلي مشراك=== والا الديار يبدلن بالديارا
ماناب ابو عيله ولاناب ملاك=== ولاناب مربوط برجلي هجارا
أنا خفيف الحمل واسعى بالافلاك== والذل يبرك فوق ولد الحبارا
يانجد خيرك مايكفي خطاياك=== خيرك يجي مره وشرك مرارا
وان سلم راس امهدي الصعب صفاك=== متعب يبي حكمه وله طلب ثارا
ياشيخ يلي توعمرك ومنشاك=== ناشي على منشا الشيوخ الكبارا
أرجي عسى حظك يوافق لممشاك=== بالعدل وسيوفك تنثر شرارا
امين يلي كل عبد برجواك=== أنت الخيارولاش غيرك خيارا
تعطيه من عزك ونصرك وحسناك=== ياالله يامعطي العطايا الكبارا
يامتعب أتعب ثم تعب سباياك=== والعز فوق مطيرات الكرارا
قالوا هل البلدان كثرت جناياك=== مات الامير وبقي غوِِش صغارا
والحمد للي في معاديك قداك=== ضربت ضربات تقص الفقارا
سيف لنا ولكل جملة دناياك=== ذات الفقارا اللي عليه الممارى
ياسعد شمر يوم ظهرك مولاك=== مثل الحيا ترجع عليه الديارا
يابن الملوك وسايس الحكم بارياك=== جدك خيار ولك عمام خيارا
نعد عدك لين حنا وصلناك=== عد ولله الشكر ما يجارا

[عبدالرحمن الهيلوم]

ابداااااااع

رحم الله الامير والشاعر

وبيض الله وجهك

[أبو مرحبا]

رحم الله الامير متعب بن رشيد وأموات المسلمين


صح السانك ورحم الله الشاعر

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[الشهاب2009]

الله يرحمه ويغفر له

[ابو محمد الدعجاني]

رحم الله الامير متعب بن رشيد وأموات المسلمين


صح السانك ورحم الله الشاعر

تقبل مروري

[الامير حريبيش]

لاهنتم علي مروركم ابناء العمومه
تحياتي

[أخو جوزا]

القصيدة رثاء في اميرأ يستحقها رحمة عليه وعلى اموات المسلمين.


لكن هذا البيت من مبالغات الشعار

ما ركب فوق الخيل يامير شرواك=== عند العرب والترك هم والنصارا


فحتمأ ركب الخيل من هو افرس واشجع.

[بعيد الشوح]

ما ركب فوق الخيل يامير شرواك=== عند العرب والترك هم والنصارا
رحمه الله ولكن البيت هذه من الاشياء المبالغ فيها ركب الخيل منهو أطيب ورد ا منه

[الامير حريبيش]

اخواني اخو جوزا وبعيد الشوح
صحيح هذا من مبالغات الشعراء ولكنها لا تغفل ان عبد العزيز الجنازه من اشجع الرجال في وقته كما اجمعت علي ذلك اغلب المصادر وكفو فيه وفي غيره من الابطال
تحياتي

[أبونواف]

رحم الله الامير متعب بن رشيد وأموات المسلميين
صح لسانه ورحم الله الشاعر ولكن فيه بيت مبالغ فيه اللي ذكروه الاخوان فيه من ركب الخيل أطيب منه و و و
تقبل مروري