عجمي العطاوي : يالله تنادي بالفرج بأمر سامي

[*(العطاوي)*]

(( كفايـــه ظلـــم ))

يالله يامحيي رميم العظامي=ياواحدٍ ماله شريكٍ بكونه
يالله تنادي بالفرج بأمر سامي=من أهل العداله ماقفٍ يقدرونه
فزعة كريمٍ تنتظرها الكرامي=بأبعاد والا إعدام شر النمونه
وإلى إنتهت زال الخطر بالتمامي=وجميع خائب خيب الله ظنونه
ولا عاد يوجد به عزيزاً مظامي=والمجد شامخ والوفاء من حصونه
وتجري السفينه بإرتقاء وإنتظامي=على الطريق المستقيم بسكونه
في راي حكام الوفاء والسلامي=والمجد والعدل الذي يتقنونه
آل السعود أتباع خير الأنامي=مثل الخيال اللي صدوقه مزونه
نواً تنثر بالسهل والعدامي=يخضر به اللي يابساتٍ غصونه
أهل الشيم وأهل القيم والمقامي=الشعب من كل الاذى يحتمونه
هذا الكلام اللي عليه الكلامي=من غيرهم للشعب يرعون شؤونه
سر ياقلم وإكتب وترجم كلامي=حتى جميع أصحابنا يفهمونه
كادوا لي الأصحاب مدري علامي=أو أني أملك شيء لا يملكونه
مير الوكاد أني لو أني حرامي=اللي على اللحيين تطحن سنونه
لأفرض عليهم كلمتي وإحترامي=على الجميع أقول وآمون مونه
لكن وضعٍ مايليق بمقامي=طبعه وتطبيقه وشكله ولونه
واليوم صبي فوق روس الظوامي=إلى متى تبقى الهموم مخزونه
ياما صبرت ورحت وأخفيت الآمي=حتى صديقي ضايقني طعونه
والكيد زاد وغامض الجرح دامي=أسباب منهم بالخفا ينبشونه
تجمهروا للعنصره والتحامي=للشر والا الخير مايعرفونه
لو يدرسون الخير تسعين عامي=يفنون واسم الخير مايدركونه
نموت نحيا والعوج مااستقامي=ودام العواجه ساس لو يكسرونه
ومن العواجه صار فينا انقسامي=صح وخطأ والصح يستبعدونه
اللي يعرفونه نزيه ونظامي=يبعد عن الانظار ويشوهونه
كيد وتعصب وإفتراء وإنتقامي=أقل مكرٍ ضدنا يمكرونه
شلة عصاباتٍ خوال وعمامي=والوقت معطيهم على مايبونه
الوقت يمضي وأتفه الناس زامي=مجدك وراه بعيد وخطاك دونه
تعلوا على القمه سقاط الاسامي=لو كان ريح المجد ماياجدونه
وللمجد واهل المجد معول هدامي=والمجد خلان الرخاء يطمعونه
مقطانهم بين الزهر والرخامي=ودام الرخاء كل الزهر يقطفونه
وان ولعت والشر زاد إحتكامي=ربع الرخاء كل الوطن يتركونه
واهل الوفاء وقت البلاء ماتنامي=وكل الوطن بعيونهم يحرسونه
ويردون حوض الموت ورد الحيامي=الروح من دون الوطن يرخصونه
وإلى طفت عادوا خفاش الظلامي=وذقنا مهونه مابعدها مهونه
وصلاة ربي عد وبل الغمامي=على النبي وآله ومن يتبعونه

عجمي بن خصيوي بن زنعاف العطاوي العتيبي




منقـــــــول

[أخو جوزا]

صح لسان عجمى ولاهنت يالعطاوي

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[*(العطاوي)*]

والله وسبعين نعم يااخو جوزا تحياتي واحترامي للجميع

[هميجان العطاوي]

صح لسان عجمــي

ولا هنت يا ولد العم

[*(العطاوي)*]