[زبن الجعفري العنزي]

المشاركة الأصلية كتبت بواسطة نـــواف

سرحان الشيباني

المعذره اولا يا امير على هالدخله ، بس حصلت ردود قاضبة ً لها جاده وقلت لازم نعلم الجاهل ..




هههههههههههه :d

الرشايده صاروا صلب ياعنـزي ..!!

الي شالوا بيارق ابن سعود وصالوا وجالوا .. واحتموا ديارهم من عبس الى الحين .. صاروا صلب ياعنـزي ..!!


تعرف ( كون شريفه ) .... اكيد تعرفها ..( عنزه بقيادة فرحان الايداء مع جهينه وبلي والشرارات ) ضد بني رشـيـد في كون شريفه ... وانتصار كاسح لبني رشيـد

فرحان الايداء ... طاح بيد بني رشيد في هالمعركه... ودخل على الفارس / ثامر بن سعيده القلادي الرشيدي
وافتكه من بني رشيد ...

سمعت الشاعر الي يقول ...

جمع جهينه مع بلي والشرارات .... مثل التهامي يوم شمسه تغيبي
يشدون دكات الدبا جوك زافات .... والا ضلاما دك روس الجذيبي
بني رشيد من الظفر جوك ردات .... والكل يدفع مثل حر القضيبي
مسبلين ارواحهم للصعيبات ...... دون المعور وامهات الحليبي

حتى انت يافرحان عقناك بالذات ....عقناك وانته فوق زين الهديبي
مشعان كبك في نهار الملاقات .... وهزاع والي يدركون المصيبي
ابن سعيده اعتقك بين لمات ..... عيا عليك الله ودمك مريبي


ولا هذي بعد كذب ههههههههه

ترى حتى قبايل الجنوب يعرفون بهالكون وانتصار بني رشيد



اجل ابائك واجدادك وسلوم القوم وبعض المصدر يا عالم زمانك ..

ترى ما ابي اقول شي يزعلك .. والحزام مليان .. بس مخافة الله سبحانه من قذف ناس ابرياء

اذا انها على المصادر .. ترى المصادر ضرت القبايل كلها .. ماهي على بني رشيد وبس ياعنـزي .. انتم مثلا باحثكم ومؤرخكم ... ابن عبار .. اصدرتوا فيه بيان من شيوخ عنزه وقطعتوا فيه وطلعتوه من قبيلتكم .. وانتم قبل كم سنه تعتبرونه عالمكم الي مافيه مثله .. وش الي غيركم ؟

المصادر غيرت بانساب وزورت بأنساب .. فلا تتفلسف بكلام لايؤخذ ولا يعطي

سلومنا نعرفها ياعنزي.. وفعولنا تطلق الوجه .. لكن من جحدها ماهمنا ولادرينا عنه

تكفينا سبعة بيارق شالتها بني رشيد من ابن سعود في توحيد المملكه . ... وعلوم سمان ماهن دقاق مثل علومكم ..


ترى الكلمه الشينه سهله وكلن خابر وعارف ..

المعركة بسبب الارض اللي طلبها شيخ الرشايده من العواجي بسبب جدب اراضيهم وسمح لهم العواجي في رعيها عام كامل ولما انتهى العام رفض الرشيدي يرحل حيث جازت له الارض

ودارت المعركة كما قلت علما عنزه مامعها الا 2 من الشرارات قتلوا ذلك اليوم واستغلوا بني رشيد ذلك بوضع قبيلة الشرارات كامله في المعركة وخلاصتها

-القتلى من عنزه 40 ومعهم 2 الشرارات
-القتلى من بني رشيد 18احدهم من البراك شيوخ بني رشيد
-استرداد عنزه لديارها وهروب بني رشيد وترك بيوتهم وحلالهم


اذا لاتقول انتصار كاسح صحيح ان القاتلى في عنزه كثير ولكن الاهم ذلك الوقت استرداد ديارهم
وهذا ماحدث فعلا ولااعتقد انك تنكر ذلك

وهناك قصائد في هذا الموضوع معروفه ومتداوله

اما موضوع الانساب
لتعلم اننا لاننقص من قدر احد ولانرفع من قدر احد والجميع يعرف نسبه ومكانته ولايمكن تن تتغير الانساب بين يوم وليله
والله يعز ابن سعود اللي خلا الناس سواسيه في القدر والمكانه السكن والوظائف وكل المجالات





وختاماكما قال ابن عمر(كل يؤخذ من قوله ويرد الا صاحب هذا القبر)يقصد الرسول صلى الله عليه وسلم



تحياتي للجميع