[! محتميها !]

السلاام عليكم


مساكم الله بالخير جميع


هاذي قصيده لي اضعها بين يدينكم واتمنى انها تعجبكم


ويا جماااعه لا تشرهووون علي اذا فيها اخطاء في الوزن ولا غيره


لان تراني مانيب شاعر والله


ولكن جبت هالقصيده مدري من وين جبتها


واذا فيه اي ملاحظات او اخطاء ياليت تفيدوني فيها وتنتقدووني


لاني فاتح باب الانتقاد وان شاء الله آرائكم كلها على العين والراس


وراح تنفعني اذا بغيت اكتب شي جديد


يا بحور الشعر هيجي وامطري لي يا مزون
ويا مشاعر ارعدي وابرقي وافتحي لي شهيه

بكتب القاف حقي على ابدع ما يكون
وبوصف اللي خذتني بالوصوف الحلية

أول المعنى ببدأ بوصف اللي ما يهون
على قلبي وبقدم له ابيات القصيده هديه

مهرة (ن) تثنى بغنجها وتعلت عن كل مزيون
واقعدو يا مزايين البنات جتكم البنت الغشمريه

حالمة بنظرة هدبها وبسحر عينها المكنون
وابتسامة ثغرها اللي تغار منه الورود النديه

الله عليها لا لاعب النسيم شعرها المزيون
وفاح منه ريحة شذى وريحة عطور فرنسيه

كن لمعه خدها لولوء مصفى ومكنون
وكن قطرة ريقها سكر يحلي كل بئر(ن) هبيه

وكن رزة خشمها تقول سيف محنا ومسنون
منه العز باين وشموخ بنت(ن) قبيليه

ما ذبحني الا نظرة هدبها لا سلهمت بالهون
ياقف معها القلب ويرسل لها موجات قلبيه

الله على عين الغزال اللي ما مثلها عيون
كما عين حر(ن) في السماء يدور صيد بريه

عليها الله مالها مثيل (ن) ابد فالكون
ماهي بشر انـا اقول والله ياناس حوريه

اخذت القلب معها وغديت معها كما المجنون
من يلوم القلب لا حب له بنت(ن) أصيليه

من شفتها قلت بسم الله عليها من العيون
فيها جمال، غنج ، دلع وفوق هذا نشميه

بكتب لها قصيدي ولو تبي اغني لها لحون
تستاهل لحون الحب ولو تبي ارقص لها سامريه

ماني بخسران لا اعطيتها العمر بليا حزون
اصلاً حزني لا بقى عمري بليا بنت(ن) ناعسيه

ما شفت لها مثيل ولا شفت للونها لون
وما يقابلها وصف ولا لها بنت(ن) وصيفيه

وان كان في خاطرها زعل تبشر بحقها وتمون
تطلب اللي تبي لو تبي كسر(ت) ايديه

برخص لها الروح وبنزل كل غالي ومثمون
وبسخر ابيات القصيد اللي تراضيها عليه

ولها مني طيبة الخاطر لو كل البشر يزعلون
وبعدل راسها بعد الرضاء بفنجال دله شاذليه

انا ما همني غيرها لو يجيني من البنات مليون
لانها غير البنات وفوق كل هذا سعوديه

شاعرك تايه بدونك مضيع كل درب ويبيك له عون
وهو معك ينطح جيوش القوم واهل الغزيه

تعالي ومنك العذر على ما صار لحظة فتون
هذا كلام الشاعر اللي يمثل له قبيله عتيبيه



وتقبلوا خالص تحياتي