ياشعاع الشمس في وجه الغدير
ذكرتني صورتك شي قديم
ماحسبت ان الليالي تستدير
وماحسبت ان الزمن جرحه عقيم
ضايق صدري مثل صدر الغرير
وحاير دمعي مثل دمع اليتيم
صار شي ماهقيت انه يصير
شحت كفوف الزمن ولله كريم
ولله اني كنت احسب اني بخير
لين هبت لي ذعاذيع النسيم
اتقي في الضل من حر الهجير
واحتري برق السحابه دون غيم
الحضوض الصيد والاقدار طير
وحضي المقرود عيا يستقيم
بس انا متني مثل هضبة عسير
اغترب واسمي على العليا مقيم