حبيب العازمي وسلطان الهاجري
حبيب العازمي
يامرحبا في حفلة سلالة مزوع بالذلول
اللي عوانيها على الروقه وراح وجابها
انويشي اللي بان فعله مع قديمين الفعول
اللي سرا في ليلة ن تقنب عليه ذيابها
سلطان الهاجري
دام البقاء مني على حسب العوايد والاصول
واللي تحسب حسابنا حنا نحسب حسابها
الله لا يخلى الديار من الزحول ابناء الزحول
اللي على علم الفخر دايم تمس اشنابها
حبيب العازمي
يالشاعر اللي قلتلك كلمه ماندري وش تقول
كلمتك فيها مشكله وانت تراك ادرابها
ابشرك نجد العذيه كلبوها عرض طول
فيها عتيبه راسيه مثل رواس هضابها
سلطان الهاجري
اللي يعرفون المشاكل مايغرون الحلول
وانا ما البسها الثياب اللي ماهيب ثيابها
لعلها وبل الحياء حتى يسيلن السيول
وسليم اهل مكه تراهم يعرفون شعابها
حبيب العازمي
يارجل لا تجهل قوانين العرب مانتب جهول
وراك تمسك حية الديره وتترك دابها
هاك السنه يوم الحياء من نجد شددنا النزول
وسليم في راس القرا تومي لك بمشعابها
سلطان الهاجري
انا ماعرف الا الجمال اللي تزوزي بالحمول
والا الافاعي كلبوها قد كسرت انيابها
هاك السنه ياصاحبي وعيونك الثنتين حول
واليوم خل اصحابنا تعرف مكان اصحابها
حبيب العازمي
ياللي تذكرت الجمال اكبر جمل فيها معقول
تبا تدق نحورها والا تعدل ارقابها
ترا الاكيد انا وصلناكم وقفيتوا عجول
واليوم خلك فالحصاه اللي يطير ترابها
سلطان الهاجري
انته وانا رحنا ضحايا ن للمهبل والخبول
اللي تحاول تلعب اللعبه على لعابها