اخوي / الفراهيدي يعطيك العافيه مره اخرى
ولدي اضافه لموضوعك الله لايهينك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
هذه محاوره جرت بين الشاعرين مطلق الثبيتي رحمه الله وصياف الحربي وهي على نوع الطاروق الجنوبي يلعبه الشاعران على ( الزير ) وتشيله الصفوف شيلة عرضه جماعيه :
مطلق الثبيتي
ماتسير السفينة لين يركز عمدها = علموا صاحبي صياف شيخ الجماعه
البلا الحامل اللي وش نسمي ولدها = بعد حملة ثمان اشهر وعشرين ساعه
==========
صياف الحربي
ترسي الباخرة واترسي اللي بعدها = فوق غبة بحر ماله على الارض قاعة
كان ماسمت المولود تقعد وحدها = مالنا في حلال الناس ربع الطماعه
==========
مطلق
خلها خلها بالدرب تنقل جهدها = لايضيع الوديع ولا تضيع الوداعة
لاتغرك حجور ولا يغرك وعدها = الحجوري لكيع ولا يكب اللكاعه
==========
صياف
اعقلت رجلها واخطت علينا بيدها = ثم قامت تدلع وازعلتنا الدلاعه
من غلط في البيار اليا ظمى ماوردها = وانت لاتشتر الا من خيار البضاعه
==========
مطلق
ماعليكم خلاف جنازة في لحدها = مابه إلا علوم وسالفة بالاذاعه
ابن عمك حدا القومان عنكم طردها = ذابح لك مطير وذابح لك خزاعه
==========
صياف
القصور اختلط تعميرها مع هددها = وانت رجل غناوي ماتعرف القناعة
ابن عمي ليا جات السوالف جحدها = كلما قلت كيف الحال جرد ذراعه
==========
مطلق
من يعرف العرب يعرف مداخل بلدها = حدنا الوقت ياضلع تعاوت سباعه
ابن عمك عطاك فلوس واجد عددها = ليه ياراعي البابور تطوي شراعه
==========
صياف
لو مايكحل عيونه يداوي رمدها = كل واحد كحل عينه وجبر كراعه
مااقدر اعطيك حاجه لين تكتب سندها = انت مثل الحوار اليا ارتوى من رضاعه
تحياتي ......