انـا نويـت أشـري فالأصحـاب وأبـيـع
قـرّرت أسـوّي تصفـيـه لأصدقـايـه!!
نويـت أخلّـي نصفهـم يعـطـي الـريـع
وأعطـيـه تأشـيـرة خــروج النهـايـه!!
لاصـار رفقتهـم تـجـي مــرّ وتضـيـع
عرفتـهـا مـاغـيـر صـحـبـة دعـايــه!
صحـبـة خداع(ن)مـاوراهـا منـافـيـع
بارق سراب(ن)منه مأروي ضمايه!
ونويت أقوم بضبـط محضـر وتوقيـع
أحد(ن)معي وأحد أبعده عن نحايه!
أحسب رجال الجود فـوق الأصابيـع
اللـي لهـم فـي مهجـة القـلـب غـايـه
الـلـي لصعـبـات المـراجـل طمـامـيـع
أشبـر ويطـلـع شبـرهـم مــن ورايــه!
إلشوفهـم بأقصـى ضمـيـري دوافـيـع
لـو بأمتنـي شــوف النشـامـا مُنـايـه
إهروجهـم تشمـل جميـع المواضيـع
وقلوبـهـم بـيـض(ن)سـوات الـمـرايـه
وباق الرجـال اللـي خفاف(ن)قراقيـع
أباأنـتـحـي عـنـهـم وأبــعّــد خـطـايــه
مجمّـعـيـن هـمــوم الأيـــام تـجـمـيـع
إيـسـولـفـون ولاتــصــحّ الــروايـــه!!
مـاغـيـر عـنــد السـالـفـه بالـفـراريـع
كل(ن)يقول أبطيـت ماجـا سرايـه!!!
ذولاه بـأقـلـعـهـم بـعــيــد الـمـقـالـيــع
لأحد(ن)يجـي منهـم ولانـي بجايـه!!
الشاعر/مشوّح الشيباني