[ممدوح الروقي]

هذه قصيده للشاعر -فلاح بن خالد المورقي موضوع القصيده النصيحه وقدابدع ابوخالدفي هذه القصيده رغم صغره على النصح والحكمه
يالله ياللي خالق(ن) كل رجال=يا مصحي الراقد بحزه منامه

وياخالق(ن) فالناس عمن معا خال=ويا خالق(ن) ارض الحجاز وتهامه

ونصيحتي انصح بها كل الابطال=ومن لا يحب النصح فيه الرخامه

اعرف صديقي يوم عسرات الاحوال=القى ردى والقى كرم مع شهامه

ومن باعني ماهو يساوي له ريال=بعته وانا ما اشري رجال الرخامه

وخلك كريم(ن) واسكب البن بدلال=حنا البدو تعريفنا بالكرامه

ولا تسمع النمام والقيل والقال=ابعد ولن تقربه جتك الندامه

والاجودي نعرفه ونظرب به امثال=لامن زهمته جا بسلاح وحزامه

ويا مرحبا ترحيبه السيل لا سال=لا رحبوا به من يبون الخزامى

ترحيبه(ن) تثنى على كل رجال=تثنى على اهل الجود واهل الشهامه

نعرف من الصايب ونعرف من الضال=مثل الحديد اليا تفكك لحامه

واعرف خويي لا غدا مثل الانذال=واعرف خويي صقر والا نعامه

هذا العمر درس وتجارب مع افعال=وهذا العمر نوره ترا هو ظلامه

ونصيحتي انصح بها كل الابطال=ومن لايحب النصح فيه الرخامه