[بخيت السعد]

يارب انا في سد وجهك لاتضيق ابي الدروب=في لذة الدنيا ويوم الحشر لحان الحساب
يارب انا في سدوجهك عبدك المذنب واتوب=من لا عرف درب الخطاء يموت مادل الصواب
العمر ساعات ودقايق من ثوانيه إمحسوب=والادمي من طين مخلوق ومرده للتراب
مابين كسبن للحساني وإحتمال للذنوب=المؤمن اللي كل مايخطي عن الزلات تاب
يا مقلب الابصار ماغيرك مقلب للقلوب=للشر باب او وقتنا الحالي فتح تسعين باب
خيل خياله فالسماء قام إيترادم له نصوب=بداء غشينه وإنهمر والخير جاء دونه ضباب
لو سنة الدنيا كذا ما بين غالب ومغلوب=بس الوكاد الحق غالب لو زمان الشر طاب
فرعون واصحابه تنادو بالسحر من كل صوب=والناس في نعمه وفي غفلة ترف جهل الشباب
واسترهبوبه كل غافل قلب والقلب محجوب=في غفلت الدنيا هبابه طرد نضاح السراب
والصدق يرفض وإعتلا ء صوت المنافق والكذوب=واللي يعاب العام صار اليوم شئ مايعاب
صار التزاحم فالكبينه والتدافع فالركوب=واللي نصيبه نص يطمع يحتوي كل النصاب
وإختل ميزان الحياه إعن الزوالي والغروب=وابعد مداء صار إيتدانا للنهايه بإقتراب
الله ياعظم البلاء والله ياعظم الخطوب=يمكن من الاحداث يبداء الشيب بجناح الغراب
يارب انا في سد وجهك من عواصيف الهبوب=نسالك الرحمه وندرابك من اسباب العذاب

حمد المغيري

آخر تعديل بخيت السعد يوم 14-Sep-2012 في 12:37 PM.