الموضوع
:
هلا يالشمري في منتدى الهيلا وخذ فنجال
عرض مشاركة واحدة
14-Dec-2008, 06:54 PM
رقم المشاركة :
1
معلومات العضو
مرزوق حمدان العتيبي
مشـرف عام
إحصائية العضو
التوقيت
هلا يالشمري في منتدى الهيلا وخذ فنجال
...
كل عام وانتم بخير
قبل لحظات قرأت قصيده الشاعر نايف عنيزان الشمري
والتي خص بها هذا المنتدى وقبيلة عتيبه
وقد ارتجلت هذه الابيات المتواضعه
وليعذرنا على القصور ...
و هذا هو رابط قصيدته
http://otaibah.net/m/showthread.php?t=82674
هلا يامرحبابك عد ماهل المطر وبال = عدد مالاح برق الوسم ولاّ ..دن رعاده
هلا يالشمري في منتدى الهيلا وخذ فنجال = فناجيل الكرامه تحمل إلك البن وقناده
كرامتك الشحم والعود الازرق ياعريب الخال = سلوم عتيبه الهيلا وصاة العود لحفاده
فعايلنا على وضح النقا تحكي بها الاجيال = لاواعدنا نجي قبل العدو في يوم ميعاده
رياجيل النهار المعتبر وزحول ماننحال = ولدنا ينتخي بالمرجله في داخل امهاده
لنا وقت اللوازم وقفة ٍتضربها الامثال = ومن لايثبت اقواله يخل السيف بغماده
نبادلكم شعور الطيب والتقدير والاجلال = لنا ميقاف واحد في سنام المجد وشداده
ياشمر طيبكم شاهر وظاهر والصحيح ايقال = مداغيش الرجال اللي لكسب النعم معتاده
اهل مجد ٍ تليد وسطوة ٍ منها العدا تهتال =سناعيس ٍ نهار الهوش للاخصام ضداده
وفي كل القبايل خير فالمنزال والترحال= هل الطالات والقالات كلٍ تبهر امجاده
يقوله شاعر ٍ جارى بيوتك في بيوت جزال = قبل يختم يقول الله يعز الشعب وبلاده
عسى الله يحفظ العاهل ملكنا طيّب الاعمال = وابو خالد ولي عهده عضيد الليث وسناده
صلاة الله على الهادي محمد مايهل اهلال = رسول ٍ خصه الله بالرساله وارشد عباده
التوقيع
فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
حط حبه في كياني ماتغيّره السنيني = وانثني من دون عرضه بالذراع وباللساني
@Marzouq_MHD
مرزوق حمدان العتيبي
مشاهدة ملفه الشخصي
إرسال رسالة خاصة إلى مرزوق حمدان العتيبي
زيارة موقع مرزوق حمدان العتيبي المفضل
البحث عن المشاركات التي كتبها مرزوق حمدان العتيبي