عرض مشاركة واحدة
غير مقروء 27-Nov-2018, 07:56 PM رقم المشاركة : 1
معلومات العضو
الرمح 511
عضو فعال

الصورة الرمزية الرمح 511

إحصائية العضو






التوقيت


الرمح 511 غير متواجد حالياً

افتراضي اتبع خيال المزن ياوبالي

ليت العمر معيه يطول اشويه
لين استلذ ابدنيتي ولحالي
قبل الممات يحل والمنيه
ابا انطرب على هوايا بالي
مع جرهدن قفرن خلا عصريه
فيه ايتقطع ذبذبت جوالي
اخير من يسكن بخط الميه
راحت حياته كلها غربالي
وانا على لذات نفسي ذيه
ماحيد عنها لو تزيد اعمالي
شين سكن فالقلب بالعفويه
يالي تعرفون اطلق الامثالي
يقول ابن دربيل بالعاميه
تسمعو في جرت الموالي
بعد انتصف ليلي وناري حيه
عن مركز اهل ارماح فالشمالي
بطراف وادن يفهق الرمحيه
يجذب عشاشيق الهوا لاسالي
جيته وروحي بالحزن ممليه
وقفيت بعد انه تشالا بالي
من عالمن فالعاصمه مبليه
مافيهم الي منزله منزالي
تجمعو والكل مع خويه
على الرصيف الي به العمالي
مجلاس لخدوش العرب والعيه
ماهوب مجلاسي ولا يحلالي
انا مجاليسي ماهي مخفيه
تعرف مابين الناس والازوالي
ماجالس الا الكفو والي زيه
قروم قومن يلحقون التالي
مدام صار الي قريب حيه
لدغته تذبح معضم الاشبالي
ابعدت عن كل القريب ليه
من فضل خلاق البشر والوالي
الواحد الي ماخذل داعيه
اطلبه بسمه يحفظ الي اعيالي
محي الهشيم ابمزنتن وسميه
الي لحقها فالوطا الامحالي
حتى طلع للعشب روحانيه
تشفق عليه البدو والحلالي
لازان نبته او شبع حاشيه
تشوف امه كنها بعقالي
مرتع صخاف الشول ياباغيه
لو ان دونه تتعب الاميالي
سقها عليه وخلها المطيه
ترعا مع الذيدان والاشوالي
ان كان ذودك امتعد 100
ااتبع خيال المزن ياوبالي

فرحان دربيل















رد مع اقتباس