[الأسعدي2]

المشاركة الأصلية كتبت بواسطة ولد حبرود

ثانيا
مناخ الرشاويه

بين عتيبه من جهه وبين مطير وحرب

عام 1227هـ

جاء بني عمرو على شيخهم ناهس الذويبي وبني سالم على حجاب بن نحيت ومن معهم من حرب يريدون نزول واد الرشا والرعي فيه وعندما علم الشيخ محمد بن هندي بذلك اتى بمن معه من البرقاويه لايقاف الحروب وفعلا عندما بدا الطراد والمعارك كان النصر حليف البرقاويه وعندما اضرست حرب المعارك والهزايم التي منيت بها ارسل الذويبي وابن نحيت للشيخ فيصل الدويش شيخ شمل قبايل مطير يطلبون العون والفزعه بسبب عدم قدرتهم على الصمود امام البرقاويه فعلم الشيخ محمد بن هندي بان حرب ارسلو يطلبون فزعه الدويش فقام و ارسل للروقه يطلب فزعتهم حيث بعث مرسول الى الشيخ مارق الضيط بالذات يطلب حضوره حيث قال

سلام يا منـي وأنـا لـه=من دون الأقصى والقريب
اليا صفى جالـي وجالـه=عداتنـا لطـم الحريـب

وعندما وصلت الابيات الى الضيط لبا نداء ابن حميد واتى فازع لعيال عمه البرقاويه بالروقه وبرفقته الشيخ ناصر بن عقيل وذوي خيوط الدعاجين في تلك الاثناء
اتى فيصل الدويش بالفزوع ففرحت حرب وقدمة له احترامها وطاعتها فجعلوه قائد المعركه والامر الناهي والمدبر فيها
ومن قصايدهم في الشيخ فيصل بن سلطان الدويش هذه القصيدة لعيد بن العويرا السالمي شاعر حرب المفوه المشهور
حيث يقول

ياللي تجي الكرزان مع روق وعصيم=شدو ترا واد الرشا راعيه جاه
الحر الاشقر جا لجنحانه وشيم =صيرمين يهوي على عدوانه من سماه
بالمخلب اللي يكسر العظم الصميم =فيصل ولد سلطان عيد اللي نخاه

((ولكن ماعين خير العويرا وخسر الدويش وخسر اللي استفزع به )))



فعندما دارت المعارك بين عتيبه من جه وبين مطير و حرب من جهه صار هناك العديد من الاحديات التي رددوها شيوخ عتيبه منها هذه الاحديه للشيخ مارق الضيط حيث يقول

يأهل الرمك ميلو على الربان=سوو سواتي ياهل الزلبـات
الحـي لابـده مـع الحيـان=ومن مات منا يلحق اللي مات

ويقول راع البرصا:

الديــره الها ســـلةٍ ونصــاب = ونصابـها خف ومراه
ربعـي كما ســيل النحا نهّاب = يركب على روس العدام غثاه
وان ما خذينا البيت بالاطناب = يحرم علينا نجد ما نرعاه

المهم هجمت عتيبه على قوات التحالف فهزموهم شر هزيمه وقتل مارق الضيط ماجد الدويش وقتل دغليب السماري فاجر الذويبي, وقتل جهجاه الهريفي ابن درويش, وقتل نايف ابالعلا ابو عبيد الدويش, و قُتل ضيف الله بن تنيبيك زبن الذويبي وكذلك قتل من مطير طلال بن هدبا وهرب فيصل الدويش ومطرانه نحو القصيم وكذلك هرب بني سالم وبني عمرو وغبرتهم سواة المعاصير وطارت ركبهم فوق الركاب ولا ردهم الا قارة مغيب وكذلك هرب ناهس الذويبي من امام دغيليب السماري بعد مبارزه شرسه وظل دغيليب السماري يطرد الذويبي ويعتزي خيل جبله دغيليب ولكنه سلم وكذلك ظفر الشيخ ناصر بن عقيل ببيت ناهس الذويبي بعد المعركه بايام فاخذه وكان المناخ هزيمه ساحقة و بشعه ومؤلمه ومنكره لقوات التحالف (مطير وحرب) وكان ممن قتل من عتيبه ذلك اليوم (والكذب مافيه خير )) ولد جهجاه بن حميد اذبحوه مطير وكذلك علي الفجري اذبحوه حرب .
الله يرحمهم بواسع رحمته .

من القصايد التي قيلت ذلك اليوم قصيدة
لنامي ابن ثعلي العضياني يقول فيها
:

ورد الراي منهم للثنين =حراراُ بالأمور مجربين
ابو بدر لطام الحريب= مشبع بالمعارك كل ذيب
وناصر شوق ميال الردون= ليا جو للقوافل يدفعون –
وماجد طاح من مارق شمام=يوم الخيل غاطيها عسام
وهجو من جنابه فرقتين = ايمنهم وطا خشم القرين

ويقول ايضا احد الشعراء عندما قتل الضيط ماجد الدويش

وطاح ماجد شيخ علوى قويين السطر = من يمين مارق وثارينابها

ويقول جهجاه الهريفي :

وادي الرشا جاله يبا تبريش = عَـيّـا جنـابه يقـبل الحصنان
الطير ينقب عين ابن درويش = وان جاع نرمي له من الدوشان

ويقول الشيخ نايف اباالعلا عندما قتل الدويش وكان صغيرا

ياواصلن عبدالعزيز =قله حمينا دارنا
وابوعبيد خلي بالمداس=داجن عليه امهارنا

ويقول الفارس مزيد المقاطي

ياطارش منا ترد علوم = ياليت ابو تركي بعينه شاف
الخيل كدت مثل كد الروم = سقنا المزٌين والجموع رداف
راحو عن الرضمة ثلاث قسوم = لين الذويبي من دويشه عاف

ويقول شاعر حرب عيد ابن العويرا السالمي هذه الابيات يوم اخذ ناصر ابن عقيل بيت ناهس الذويبي

وابيتنا اللي بين عريول وجفين = بيـت الذويبي وابتناه دعجاني
اسودن كحيلي مثل صمة التيـن = وأنا أشهد انه من خيار المباني
وابيتنا اللي في نحور الدماسين = بناه ناصر يم خشم ذهلاني

ويقول احد المقطه هذه الاحديه في يوم الرشاويه

ياحرب ياللي من ورى القعران = تبون نجد ونجد حنا فيه
واد الرشا حاميه ابو سلطان = ماحدٍ خشر في نجد مع راعيه
نركب على اللي تطرش العنٌان = والروح تدبيره على واليه

ويقول الشاعر شويمان ابا الجلادا العصيمي هذه الابيات بعد نهاية المناخ وانتصار عتيبه الساحق يرد على قصيدة عيد بن العويرا السالمي التي قالها في فيصل بن سلطان الدويش

وادي الرشا ماهوب اصيله من قديم=الالمن ساق الجمل ثم احتماه
عنه الدويش محدرينه للقصيم =ماهوب حربي(ن) نفخر ذربه يباه
وعنه لليمن طردنا بني مضيم =نطدر كسايرهم اليا حد الحصاه
والحر الاشقر نتفوا ريشه عصيم =ذبحوا شيوخه يوم ربي ماهداه
وعينت فيصل يوم دبر الكريم =يركض وزماله عيونه في قفاه
في غارته ماروعه غير الحريم=وبوارديه في البهم قالوا رماه
على راي بن هندي عسى عمره مديم=وحنا كما حر كتف عقب مهواه

هذا والله اعلم وصلى الله على نبينا محمد وعلى اله وصحبه وسلم
المصادر اشرطه ل
متعب مضيان السليس العطاوي
كديميس صالح الشفيعي العصيمي
معجب محسن الصعيري المطيري
وكتاب ابن بليهد
اخوكم ولد حبرود

اخوى ولد حبرود


الذي طرد ناهس الذويبي هو الفارس دغيليب بن خنيصر الاسعدي وليس السماري وهذا الصحيح والمشهور ارجو التصحيح ودغيليب بن خنيصر يلقب بخيال جبله ولقب لتعزويه بهضبة جبله يوم هجم ناهس على امير عتيبة وشق بيته في الهييشه المشهورة , وتعزو دغيليب بجبلة ولحق بناهس وقومه وطردهم من جبله ...ونصر ربعه بفضل الله ثم بفعل ارادته وقوة شكيمته وشجاعته وفروسية ...