أحلى شيء في هذه الملحمة هي المواضع والمواطن اللي ترحل وتورد مواردها الإبل وخاصة في جنوب الجزيرة العربية وهنا المقصود بالجنوب جنوب الجزيرة العربية كامل بالإمارات وعمانه والسعودية واليمن :
أحــــبْ مــدهــال لــهـــا رُبـــــع الـجــنــوب
ل.. أقبـل شتاهـا وصلتـه مـن كــل صــوب
مــــا حـبـتــه مــوجـــة تـحــبــه بـالـقـلــوب
مــحــبـــة مـــــــا يــنــمــحــي وجــدانـــهـــا
جنوب من " رُغوة " شمال " السبعتين "
غربي "حفيت" ونصف شـرق "الثلمتيـن"
رُبــــعٍ بـعـيــد عــــن الـمـدايــن والـقـطـيـن
مـــا سـرحــت فــيــه الــشــواوي ضـانـهــا
مـربـاعـهـا ربــــع بـعــيــد عـــــن الـجــبــل
أقــرب عـلـى "ريــدا" وقــرب"أم الـعـبـل"
و"يبـريـن" هــي أقــرب مـواريــد الـسـهـل
وان ســنـــدت نــذكـــر بــعـــض قُـلـبَـانـهــا
تـارد علـى ل.."اطــوا" و"قربة"و"يْـدمَـه"
وتـــرد الحصيـنـيـة وب"أخـبــاش اقـلـمـه"
"اقـلـمــه" لــــي صــــار لـلـقـيـط اكـتــمــه
كـــم داجــــت الـمـجـهـم عــلــى معـطـانـهـا
تـــارد " مشَيْـنـيـقَـة " عــلــى عــــدٍّ لــهــا
وتــــارد شــــروراً مــشــرب شــــفٍّ لــهــا
وجــــال الـوديـعــة فــيــه حـيـضــان لــهـــا
غــرب المضـامـي شــرق مـــن ضلعـانـهـا
و"زَمْـخٍ" و"مَنْـوخ" مـن حسـاب عْدودهـا
يــامـــا ويــامـــا مـــــن قــديـــم تـــرودهـــا
مـــــــواردٍ كـــــــم رحـــبــــت بـــورودهــــا
لــــي قــامــت الــورقـــا تــجُـــرّ الـحـانـهــا
وان اشـمَـلـت مـنـهـا لــهــا كــــم مـنـهـلـي
عـلـى " تـمـانـي " وردهـــا و"المنـخـلـي"
وتـشـمـل إلـــى "حـمــر انـثـيـل" وتـدهـلـي
مـــظــــامــــي مــتـــســـعـــةٍ حــــدّانــــهــــا
ولـهـا مــوارد شَـــرق مـــن "حمرانـثـيـل"
"شـوّالــة" الـلــي مـــا وردهـــا إلا دلــيــل
ثــم "العبـيـلـة" و"مـعـمـورة" يـــا جـزيــل
انــثـــر عـلـيــهــا مــرهــشــات امــزانــهــا
وان أشمـلـت مــن رُبعـهـا الخـالـي قـصـاد
" خريـص " و"رمـاح" لـهـا غـايـة مــراد
هـــــذي مــواردهـــا الـقـديـمــات الــجـــداد
مـــنــــاهــــل لـــــلإبــــــل ولــرعــيــانــهـــا
ولها من أعلى نجد " للرقعـي" و"عـرق"
سَــهَــلْ سَــهَــلْ ومـقـسـنـلا فــــرق فــــرق
سُـهـول شـبـه المستطيـلـة غــرب وشــرق
دَمـــثــــات وكــثــيـــر حــــفــــا قـيـعــانــهــا
مـداهــل تـجـمـع مـــن الـبــلْ لـــون لـــون
ألـــــوان حــجّـــاج ل"مــكـــة" يــقــدمــون
الــوصـــف واضـــــح والأوادم يـفـهــمــون
الـكـلــمــة الـــلــــي يــعــتـــدل مـيــزانــهــا