مقعد ترا الي طيحته منها مايظهر بتعليم=يبي يطيح الطيحه الي بعدها مابه مقام
افهم كلام ابوك تدري ان المثل هذا قديم=لكن مدري ويش يعنيلك يابوعشرين عام
اعرف ترا ماكل مره ياصل المسعف سليم=والاوله قم صل شكرً للولي هذي اشمام
والثانيه باق النواقص كلبوها في جحيم=دامك سلمت انت وخويك لاتفكر فالحطام
لكن تفكر فالعبر كان انت رجالً فهيم=ومن لاعتبر نهايته مطيح مابعده مقام
_____________________________________________
مجاراتي لبيتين سعود الحافي
ترتفع بيارق النصر ويطيح الحوثي=من جبل دخان دولتنا ويزبن صعده
الوطن موروث كل مواطن و موروثي = ولالنا في غير دولتنا العزيزه قعده
المجاراه
عهدنا معقود يالحوثي ماهو منكوثي=ابتعد عن ضلع حلتنا وحنا سعده
دارنا وانته ال صعده عايدً مربوثي=ومن يقرب حد حلتنا يصيبه رعده
ماسمحنا له ولن نسمح بالامن يعوثي=والسعودي لاوعد لزوم يوفي وعده
من يحث الجهد ضده جهدنا محثوثي=وكل طامع عن مكاسب طمعته يابعده
للمواطن كل شبراً فالوطن موروثي=وانت يالحوثي مثل ماقيل تزبن صعده