مشعل بن مسهل الممخور
--------------------------------------------------------------------------------
كان له ولد اسمه سهيل وكان من صغره شجاع وفارس
وكان يرى فيه مالايرى في اخوانه مع ان جميع اخوانه فرسان وتضرب فيهم الامثال.وهم سهل .وكايد.وسعد .وصالح.وسعيدان.
وكان سهيل هو اكبر ابناءه
وبعد زواجه انجب طفله وبعد مضي ستة اشهر او سبع اشهر على ولادة طفلته
حضر اليهم في مجلسهم ضيوف ثم بعد السلام عليهم
خرج من عندهم ولم يمكث الا دقائق.ثم دخل عليهم وهو يحمل معه ذبيحتهم ثم وضعها على النار ثم نظر اليه احد الضيوف بنظرة تعجب وانبهار وحسد فقال جمله(اسرع من رد الرحى في ثفالها) والثفال هو الفراش الذي يوضع تحت الرحى لينزل الدقيق عليه
هذا كما قيل......
ولم يمضي له دقائق.........الا وهو يشكي قلبه ...وفي لحظات توفى والعشاء على النار...........
فقال مشعل مرثيته المشهوره
ليا طلع نجم اليمن قمت اخيله=وبدلت من جنب الحليله رقادي
ياسهيل ياليتك تمهلت طيله=لو كان بقعا ماعليها قعادي
قدامك العربان تمشي محيله=والروح صيوره ماغير النفادي
النجر عقب اسهيل انا ليش اشيله=جعل الدلال ونجرها للنفادي
ياسعيد عطني من شراب الثميله=واحرق لي البن الخضر بالجوادي
ابغاه يظهر من ضميري مليله=على ثمر قلبي مضنة فؤادي
ياويلدي مبداه راس البتيله=ويعشي الجيعان لو ماش زادي
ياويلدي يتبع بليا دليله=تقول سبع(ن) ضاري(ن) بالمعادي
وياويلدي مثل السيوف الصقيله=تقول حر(ن) ضاري(ن) بالهدادي
واويلدي زاد البيوت البخيله=يجي بها زاد(ن)بليا مزادي
يومي لهشان الخلا في شليله=وان عارضنه قاطعات الرهادي
اتلا العهد به يوم زين مشيله=شالوه عني في ثياب(ن) جدادي
عسى صدوق المزن يسقي مخيله=يسقي القليب اللي على حيد وادي
يعطيه لين يعيل بالما مسيله=حتى الوضيع اللي قعدبه يرادي
عسى عليه الصبح يرجع ضليله=وفالعصر يزمي عنه في البرادي
هذه هي القصه والقصيده للشاعر مشعل بن مسهل الممخور المغيري شيخ فخذ ذوي حماد من المغايره
وعلى ماظن إن القصيده اطول لكن هذا هو اللي توصلت له واعذرونا على القصور