الـيـوم انــا كـنـي خــلاوي ومنـقـلـي =عـلــيّ هـــم ٍ كـثــر هــــم الــعــام
مـالـت بـنـا الدنـيـا وشـانــت علـيـنـا =ورب الــمـــلأ بـأســرارنــا عـــــلام
الـيـوم اشــوف الـنـاس هـمـو فـيـنـا =وتـلافـتـوا فـيـنـا الـعــرب يـاخــزام
وفالفايـت اللـي فـات معنـا مـراجـل =ومنـزالـنـا بـيــن الـيـمـن والــشــام
ونـرعـى بباعـرنـا عـلـى ذاري الـخـلا =نرعـابـهـا الخـيـفـه بـــدون كــمــام
تـرعـى بـنــا الـعــراء ويـكـبـر نـيّـهـا =يطلـع لـهـا عـقـب المـعـوط سـنـام
ويـامـى ركبـنـا مــن ذلــول ٍ سـابــق= ومــن مـهـرة ٍ تـغـد العـنـان صــرام
ويامـى احتزمنـا بـأم خمـس المـارت =الـلــي ضريبـتـهـا تـطـيــح شــمــام
نكـسـر بـهـا عـنــا عـمــود الـبـاطـل =ونـأخــذ نـوادرنــا بـجـنــب زحــــام
ويـامــى كـرمـنـا والله اكـــرم مـنــا =وفـيـنـا كـــرام وفـالـرجـال كـــرام
وظـلـت منازلـنـا عـلـى حـيـد عقـلـه =مــن بـعـد شايـفـهـا يـقــول قـــدام
فيهـا نحـط الهـيـل والـبـن والشـحـم =والـــرز عـلـفـه والعـصـيـب يــــدام
وربعي هل الطالات والطيب والسخاء =هـل بـنـدق ٍ يمـشـون مـشـي نـظـام
سـواة مشيـة عسـكـر ٍ قــدم بـأشـه= عسـكـر شـريـف تـضـرب الـدمــام
الاد سـامــر عــزوتــي درع جـنـبــي= ربـعــي لـدقــلات الـجـمـوع كـعــام
وجـداه ياربعـي هــل الـجـود والثـنـاء= يــوم اتـوجـد عقـبـهـم مـــا انـــلام
اخـــذ بنـادقـهـم حـسـيـن وتـركـهـم =اخـذهـا وابــو فيـصـل علـيـنـا عـــام
غــدر بـهـم شـريـف مـكـه وقـومــه =اهـــــب لا اعــتــزيــت يــالــظــلام
لـعــل مـالــه عـنــد ربـــي معـلـقـه =يـأكـل ويـوكـل مــن يـجـيـه حـــرام
وحـكـامـنــا مـابـيـنـهـم صـافـقـونــا= وحـنــا سـقـانـاهـم بــســم هــــوام
من فـوق جـاء شريـف مكـه بجيشـه =ومـن حــدر جــاء عبدالعـزيـز بـيـام
جانـا بـقـوم ٍ واعـنـا مــن بـلـي بـهـم =لايـرحــمــون ولالـــهـــم رحــــــام
جونـا هـل التوحـيـد مــن كــل ديــره =وحــنــا عـلـيـهـم مـالـنــا حــشّــام
وتـرى عدهـم بالجـوز عشريـن مـايـه=نــبـــا نـجـازيـهــم ولاش ضــــــرام
جيش الخوان اللي كمـا سـارح الدبـاء =مـركــوز بـارقـهـم عـلــى الـحـكـام
وقـمـنــا عـلـيـهــم واسـتـعـنــا بالله =ومــن فعلـنـا طـيـر الـجـزاره حــام
أهـمـه علـيـنـا مـثــل نـجــم هـــاوي =وحـنـا لـهـم مـثــل الـعـمـل قـــدام
ومـنـا ومنـهـم صــار فـعــل ٍ يـــورخ =مـنــه الـعــذارى والـغـريـر ايــتــام
يـاعــنــك مـاربــحــوا ولاربــحــونــا =رحـنـا وراحــوا لأم خـمـس طـعــام
وياعـنـك مــال البـيـض لــوم عليـنـا =فــــي فـعـلـنـا يـاعـنــك مـانــنــلام
لومك على اللـي مافعـل مثـل فعلنـا =دون الــحــلال وحــلــة ام وشــــام
ولومك علـى اللـي ماثنـاء دون عـاره =يـــوم الـحـرايـب شــدّهــن قــيــام