مرثيه بنايف وأخوه منيف
مرحوم يانايف ومرحوم يامنيف
والموت حق وكلنا من ضحاياه
حيل الله أقوى والشكاوي لها مريف
لو أن كلن في حياته فقدناه
يالله تلطف حال من قلبه سخيف
وتعوضه بالصبر في وقت طرياه
أبن آدم اللي كل تفكيره ضعيف
أحيان ينسى عذب الشخص ببكاه
والله فقيده ياهل البن والكيف
ياعزوة اللي مكسب لمن تعزواه
يامكرمين الجار وأن جاهم الضيف
منهج دغام اللي بنا العز وأسقاه
معمور يادار الكرم والمواليف
دار الشيوخ اللي على الطيب مبناه
أن جيتهم تلقى الشبب والسواليف
والعود الأزرق ماطفى ريح ذكراه
لو جيت أوصف يعجز الفكر توصيف
كلن على مجد الرجوله ويرقاه
اليوم غابو والحزن ساد عفيف
تحت الثرى كلن جمع فعل دنياه
يالله بالرحمه لهم دون تصنيف
أنت الولي والمقتدر لو طلبناه
يامخفف الأحزان والهم تخفيف
فضلك علينا كل مكتوب نرضاه
واجب على المسلم بدعوه وتسليف
والرب مهما ياخذ الروح تفداه
الشاعر حمود عبيد العازمي