[الكينج]

ومن شعارالعرافاء أيضا:

الشاعر:عبد الرحمن بن عبدالله العريفي الخالدي

ومن قصائدة الوطنية

سلام من محب للوطـن عنـده غـلاه يـزود = شعور صادقة من مسلـم هـم الوطـن همـه
تهيض بالقصيد وجاب قول يشـرح المقصـود = ولا يذخر على شان الوطن يفديـه مـن دمـه
بعد ماخان دينـه كـل نـذل خايـن مقـرود = وبدا ينشر دعايات الضلالـة خـارب الذمـة
ينادي للخـوارج زارعيـن الحقـد والمنقـود = عصابـات علـى الاوهـام والاحقـاد ملتمـة
يوجههم عدو غايتـه شـوف الوطـن مهـدود = حقود في شرايينـه جـروح الحقـد مشتمـة
ثبتنا مع قيادتنا على وضـح النقـا المجـرود = ونصرنا الله على جند الضلالة جالـي الغمـة
وصاة اجدادنا اللي جا لهم وقفة مع ال سعـود = يدينا فـي يديهـم ليـن شرفنـا علـى القمـة
حماة الدين حامين الوطن قـول عليـه شهـود = على ملة رسـول الله ماحـادوا عـن اليمـة
نحارب خاينين العهد واصحاب القلوب السـود = عليهم باسم ربـي نعـدم الخمـة ورا الخمـة
مطفين الفتن في مهدها مـن رحمـة المعبـود = يموت الداب الاسود في حصاته مانشر سمـه
تحت راية زعيم لجل شعبـه يبـذل المجهـود = ابو متعب ليامنه مشى في لازم لجل الوطن تمه
وصلاة الله مني عـد ماهلـت هبـوب النـود = وتسليمه علـى مـن بالهدايـة وجـه الامـة

وهذي قصيدة في الأسهم

دخلنا بسوق المال نزوة بـلا تفكيـر = والاحلام بالثروة والامـوال تدفعنـا
سمعنا رجال عينوا من وراها خيـر = بعد فقرهم صاروا هواميـر وطمعنـا
وقلنا ورانا مانسـوي سـواة الغيـر = طريق وسع ذا الناس ملزوم ياسعنـا
نبي نشتري بالنت ونتابـع التغييـر = الى حولت نشري واذا نسبـت بعنـا
وخذينا الحصيل اللي جمعناه بالتوفير = وزدنا عليـه بسلفـة مـن جمايعنـا
ولا به علامـات تدلـك ولا تقديـر = الى قرقعت بعض الاشاعات قرقعنـا
امور غريبة مالقينـا لهـا تفسيـر = الى جيت احلل وصفها مالها معنـى
وبدينا نكلـم ونتسمـع لكـل مشيـر = وراي يقديـنـا وراي يضيـعـنـا
شرينا من الاسمنت والجبس والتعمير = وضمنا الغناة اللـي عليهـا تربعنـا
وجلسنا نتابع شاشة النت كل عصير = نبيها تزيد وقصرت عـن مطامعنـا
وطحنا بها طيحة غشيم بجمـة بيـر = الا يالله انـك بالسـلامـة تطلعـنـا

وهذي قصيدة له في خدمة موجود

ياربعنـا ياللـي تحطـون موجـود = وانتم لكـم نـاس تبيكـم وصدقـان
مدري من الاشغال والا من الـزود = والا تخافـون اتـصـالات ديــان
سفه الرفيق اللـي يقـدرك منقـود = وموجود مايصلح لذربيـن الايمـان
الا لرجل من غثا الوقـت مضهـود = والنا س دايـم يطلبونـه وطفـران
والا ضعيف عن مشاهيـه مطـرود = ومن قشر حظة يحسب الناس عدوان
زهمت مالي يافتى الجود مقصـود = .لانيب لاجايـع ولانيـب ضميـان
اكثـر مقاصيـدي سـلام ومـردود = .وانا على علـم المناعيـر شفقـان
وان كان وقتك مايساعف ومحـدود = الى فضيت اذكر سلام ابو راكـان
واقبل سلامي عـد ماذعـذع النـود = واعداد مايمطـر مـن الوبـل ودان

قصيدة له في جهازه

جهازي بدا يتلـف حديـده وفيـه اصـوات = جميـع المشاكـل فيـه وازريـت احددهـا
يقوم ويطيـح ولـو مشـى يكثـر الوقفـات = كما الفاطر اللي تشكي الضلـع مـن يدهـا
حداهـا الكبـر والضلـع ماتقـدر الشـدات = ونظرها ضعيـف وجايـر الحمـل يجهدهـا
اذا جيت باخذ مـع هـل المنتـدى لحظـات = (يهنـق) ولحـظـات السـعـادة ينكـدهـا
وانا لو انا مـن عالـم يدخلـون( الشـات) = لاقول ان به عللـه مـن( الشـات) صايـده
يقولون لاعاند معـك سـو لـه( فرمـات) = وانا كيـف( افرمـت) والتعاريـف فاقدهـا
شريتـه قبـل عاميـن بالنقـد والطلـبـات = ثلاثـة الـوف قـبـل اشيـلـه مسـددهـا
وبعد ماشريتـه قـال خالـد زد (الرامـات) = تراهـا قليلـة كـان تبغـى الظفـر زدهـا
ويقولـون دور لـك جهـاز مـن الزينـات = وترى قيمته كـان انـت طفـران قصدهـا
وخـل القديـم اللـي مبهذلـك عـده مـات = بعـه للهنـود ببخـس الاثمـان وازهـدهـا
وانا كيف اعاقب صاحبي راعـي الحسنـات = واواديــه هـنـدي كـروتـه يـبـددهـا
وانا للخوي لو بار ما ارضى لـه الضـدات = الاوي علـى رفقـه رفيـقـي واجـودهـا
واودر له الاعذار واغضـي عـن الـزلات = ولا اواخـذه فـي زلتـه لــو تعمـدهـا
واجامل مـع تقديـر معروفـه اللـي فـات = والا ما اكثر افضالـه علـي لـو اعددهـا
معه صرت اعرف النت وادخل علىالساحات = واكاتب فحـول الشعـر واقـرا قصايدهـا
واتابع علوم الكـون واقـرا مـن النشـرات = تجـي طازجـة قبـل الـروادي تـرددهـا
بدينا مع الاقـلاع ننشـر علـى الشاشـات = وفضايـل هـل الاقـلاع مانيـب جاحدهـا
وقطعنـا مسافـة بالـنـداوي وشعبـيـات = صـروح الرجـال اللـي بنتهـا سواعدهـا
خذينـا بهـا مـرواس بالنظـم والقلطـات = نصـدر جـديـدات العـلـوم ونـوردهـا
نراسل نشامـا هرجهـم يفـرج الضيقـات = رجـال قبـل تنشـر مواضـيـع تنقـدهـا
ولا ياجهازي معك باصبـر علـى الشـدات = واكافـح معـك ظيـم الليالـي واجاهـدهـا

قصيدة غزليه

قالت جديدك قلت وشهو جديـده؟ = غير احتلال القدس مابه جدايـد
القدس حز عظام رجليـه قيـده = يشكي على الله من تردي السنايد
قالت قديم ولـه سنيـن عديـدة = قلت الاسى في كـل لحظةيعايـد
قالت بعد لبنـان راحـت وقيـده = وقبله ذهب بغداد مالـه شرايـد
الله مـن روح بحربـه شهيـدة = والعدل به معدوم والظلـم زايـد
قلت العلوم الماضيـة والجديـدة = باسباب غفلتنا عـن ام المكايـد
باسباب غفلتنا وضعف العقيـدة = فازوا علينـا خاربيـن العقايـد
مافيـه ليلـة ماتدبـر مكـيـدة = وياما وياما بالخفـا شـي كايـد
قالت ورا ماتمسك الدرب سيـدة = انشدك عن شعرك وعني تحايـد
قلت ان نفسي بالمواقف عنيـدة = تجزع الى حست بهول الشدايـد
قالت قصيدك؟قلت وشهو قصيده = يابنت انا ويني ووين القصايـد

مع تحيات أخوكم
الــكــنـــج