[أبوضاري]

-23-

وقبتكم اللي شلها عوف بسلوك

يالله ياللي كل الاجيال ترجوك =الناس تفناء وأنت يارب باقي
بأسماك يامحي هل الكهف ندعوك=أرجوك تغفر لي نهار التلاقي
دنيا أن مضيها تعاجيب وضحوك =مير البلاء الموقف نهار المساقي
ماني بشماتن ليا شفت مفتوك=ولاني بمن لاشافت غرات تاقي
لكن جان مشتل الحكي محبوك=فيها الخطوط مساندتهاالبراقي
من قبلها باب الهناديب مصكوك =ولاهزني يم القصيد أشتياقي
الاليا جت لمست الخشم لا موك=لاصار مالك من جناحيك واقي
لي ماقفا مايقدره كل منهوك =وفتق رواق اللي يحاول أرواقي
وأن صار ترباس البواريد مفلوك = عرضت من دون أشققايه شقاقي
جانا الكتاب اللي على الظلم مشبوك =متجمعلي فيه شلقت طراقي
فيه الكلام اللي على الهجس مسبوك=والكذب والبهتان والاختلاقي
سبق زعجت ألهم هدايا سنبوك=وكسيتهم غير العمايم طواقي
وأغلبهم اللي صد والخشم مفروك=منهم هل العنه تمنوا فراقي
لكن من جنبه مجونن ومدلوك=ماينتهي لوزاد ضرب السناقي
سرياقلم وأكتب كلامي على البوك =مادام باقي لخصمانا بواقي
ومادام طروق الهناديب مسلوك=ماني من يجبي نهار السباقي
وأن صار بالخندق جهازات وسلوك =مسكين من سلكه ضعيفا دقاقي
كلا معه تفكير ولسان وحنوك=لكن في وزن الكلام أفتراقي
أحدن كلامه لسعته كنها الشوك =ويغوص من بحر الخصيم العماقي
وأحد هذور وضامر اللاش مفكوك=تلقاه في لمت حروبه يخاقي
لاخصمن خصمه ومعناه مركوك=لرجم الشرف مهوب ويا المواقي
لون بلعومه عن الحكي متكوك=ينطق أبو طقه كثير النغاقي
أستر لبوطقه ليا صار ممسوك=أن كان له والي عن الازلاقي
مادام أبو طقه ضعيف وهتروك=ربط السفيه أحسن من الانطلاقي
يالقطش نجسين المناقير دبروك=وحطوك بين الغار والاحتراقي
طاوعت في مسعاك مشرك ومشروك=راس سعدويا وذيله عراقي
دودة وباء في شدقه صمغ وعلوك=وفي المنطقه تدبي بليا نطاقي
مر تجنس بالسماوه وكركوك=ومرن تجي بأطراف جو الملاقي
فيضة فيهامدانيع وبروك =وتشرب ليا ظميت غدير الطراقي
يطمع بها ويدشها كل صعلوك =لان الحماية في ذرها أن فتاقي
وين أنت فازع ماتفرغت لبوك =لانه رقيق الحال وأنته رقاقي
شاركت شنكارالولايش وحنوك= أهل الخلاعه والخناء والنفاقي
جريت ثوبك في الخباره وجروك=وعانقت صعبات الامور أعتناقي
أنته مشك وفيك مجموعة أشكوك=وبعض الهقاوي بوهن كل هاقي
تبا تدارك مامضى وأنت مدروك=لازال في عنقك مجر الخناقي
وسمك على خدك من اللي تولوك =من أبن رشيد الشمري والشلاقي
شمر وراك أسياد ومطير من دوك=الكل منهم له عليك أتفاقي
وقعت سعود الضغمي يوم خبروك=أيام يسرب خيلكم والنياقي
يومن فرسان السناعيس زاروك=وحصل لهن بين البيوت أصتفاقي
فرسان شمر يوم زاوك أذلوك=ذلت فضيحه جورها مايطاقي
تخيروا مالاق من عدة شبوك =وأقفوبها كدغ الغانيم تساقي
كبوك في صعب المواقفه وسلقوك=واليوم أشوفك بالهناديب شاقي
وذميت قوما بالمعالي تعلوك=عن مستواهم في مداك أنطراقي
وعقب جلبك الضعف والخوف ساموك =وشروك من فوق الجياد السباقي
يوم الضياغم جالهم عندكم صوك =وتغانمت لابتك دمث المتاقي
حموك من صوك الضياغم وأفكوك=ودونك تجرعنا مرار المذاقي
وهذا جزانا يأهل الفيس والدوك=يأهل النفوس المخزنات الضياقي
وتباتماريني على شان دفوك=اللي لهم بالتايهات أنذلاقي
والفرق وضاح بين فايز ومرهوك =السيف يعرف والعراقي عراقي
أمجاد نجد لها حفيزات وبنوك =ماتنسرق ياثعلب الانسراقي
أنا معي جملت شهادات وصكوك =عن أيامنا اللي مرمساتن أعتاقي
ولا أنت تذكر لك ملايين ولكوك=وين الوثايق ياكثير الشهاقي
ودك تفر من القفص وأنت مشبوك =شانيك من ماضيك شد الوثاقي
يوم القبايل بين عارك ومعروك=ورجم الشرف مابيت ثاوي وراقي
أنا رقيت وبيرق النصر مسموك =وانته تكودك عاليات المراقي
وأنا ملكت أديار ولاأنت مملوك=حبلك وراءمن لايرديد الطلاقي
لولا هل العوجاء من الجور أجاروك= الى اليوم وأنت متوبرن للشلاقي
يالقطش وش هيضك والعرض مهوك=عليك من ماض الفرادمتلاقي
غاربك من ذاربك مطلي محكوك=وبطنك من التخمه تعدى التراقي
وأن كان بن زكوى من الغيض مزنوك= قله ترى زبده دهجها الحثاقي
واد فحل قدامه الجسر مدكوك =خلى شغاياها تساقا السواقي
وضك المضيق عضيب وعضيب مضنوك=ليا عبر ساقي عثرله بساقي
وتحاشك مسعود والعبد مبروك =وهزوا خناجرهم بوسط الصفاقي
وكسوه بدلة ورك مسمومة أوروك =وشدوا على ساق العضب بالطماقي
القطش به خابور وعضيب دلموك =منت بنقي وعضيب مهوب ناقي
لعبكم من قال مشروك مبروك =حتى أتضح فيكم غميق الفلاقي
رمح الطريس بساسكم حط داكوك =مشته معه ساق الطريسي وساقي
وقبتكم اللي شلها عوف بسلوك =اللي قواعدها عيال العناقي
وخصمي ولوهاجم بتركي متروك =عن ماقفي يصعب عليه نفهاقي