[سنجـار]

اخوي عزيز قوم عقاب لم ياخذ الخاوه على اهل فيد ابداً وا جزم انك وقعت بخطاء كبير


ومنها قولك::

ان عقاب ياخذ الخاوة على اهل فيد ويستشهدون بقصيدة رشيد ابن طوعان .

تبشروا بالباج ياهل المعاويد : : كل على معيده يسوق الريالي

هذا البيت من قصيدة للشاعر / رشيد بن طوعان وهو يتوجد على
عبد الله بن رشيد
بعد ماحكم حائل جأت حملة تركية من مصر واسقطت حكم فيصل بن تركي بالرياض واتجهت
لحائل مع بن علي ارادوا قتل الرشيد فهربوا باتجاه جبة وكان معهم دلائل من نفس اهل البلد
يدلونهم بموقعهم وهذا ماغاض ابن طوعان فرماهم بالقواويد أي الذين يقودون الاجانب على الدار . .
فخاطب ابن طوعان اهل المنطقة يذكرهم وينذرهم بان لايكونوا ضد حامي الجبل من
اجل مصالح خاصة لذلك نجد ان ابن رشيد قرب رشيد بن طوعان منه بعد ماعاد حكمه .

وعندما قال : صيور ماينزل غنيم على فيد = اعتقد انه قال غنيم وهو لايقصد غنيم بذاته

وانما يقصد أي طامع ومع ان غنيم فارس قوي وله ذكر في وديان عنزة فوضعه مثال لاي طامع
وهو ايضا لايقصد فيد بذاتها وانما يقصد أي جزئ من المنطقة ولكنه ذكر فيد كناية ومثال بمايتماشى مع القافية . والله اعلم
وبعض الاخوان جزاهم الله خير حرفوا غنيم لعقاب وجعلوا منها حقيقة وليس تحذير وتذكير


خاطب ابن طوعان ابنه سيف وقال :

يـاسـيـف بـالــك تــنــادون بـرشـيــد= الله لا يـــبــــلا بـــيــــوم جـــرالــــي

امس الضحى جتنـا علـوم التواكيـد=شيخ الجبل من نقرة السمر اشالـي

اودع الــخــل الـشـمـالـي بــراريـــد=خـذوا عـلـى جــال الخـريـزه ليـالـي

خـلـوا قـصـر تـصـافـق بـــه الـغـيـد=حريمهم تمشي مع بيـاض الدحالـي

مار ابكوا معي تروا البكا فيه تبريد=صبـوا دمـوع مثـل صفـق الـدوالـي

قـصــر بـنــاه الله لـكــم يـالـقـواويـد=انـتــم خـرابــه يـاعـفـون الـعيــالي

دار جفـت ريــف المعامـيـل وعبـيـد=تعطـى الخـراب ويذهبـون الرجالـي

وشـلـي بكـثـر الملقـحـه والكواديد=يــاراح عـبــدالله وعـقـيـل القـبـالـي

صيـور مـا يـنـزل غنـيـم عـلـى فـيـد=نشـوف مـن ينحـى العـدو بالفعالـي

تـبـشـروا بـالـبـاج يـاهــل المـعـاويـد=كل علــى معيــده يسوق الريـالـي

انعى كمـا ينعـى رضيـع علـى الديـد=ـياصار مـكــروب عـلـيـه الـزمـالـي


كما يستشهدون بالابيات التالية وهذه ارسلت ايام كون ظفرة

مبيريك هي صدق علوم لفتنا
ياشيخ ماتاقف وتزعج لنا صوت
دنياك هذي بالجزيره رمتنا
ولاينفع العداي يافوت الفوت
ياما على هاك الجراير نهتنا
وأبن أدم مايشبع الا من الموت