[الدوسري]

بسم الله الرحمن الرحيم
الى الاخ geathمع التحيه نشكرك على ايراد مثل هذه القصيده الجميله ولاكن الشاعر قال فيها انه نزل وادي الدواسر ولا ادري متى او كيف واذا كان نزل بالقصير فكان يجدر به ان يذكر ذلك اما وادي الدواسر فلم ينزله لا هو ولا غيره الا بالقصير او بدفع الجزيه
حنا هل الوادي عما كل عادي ...لاجت شيوخ القوم تسحب جرودها
نحدهم ونردهم من هواهم ...والموت للي جاب قومه يقودها
والسيح والافلاج والخرج ملكنا ....والى بني رمحاًجنوب احدودها
ويحدنا من شرق ربعاًخالي .....الرمله اللي غيرنا مايرودها
ومن الشمال المنسونيه حدنا.....بهضابها البيضا ركزنا عمودها
ذيداننا ترعا بكل قراره ......ترعا مضاميها وترد اعدودها
هاذي ديرنا والاذاني تسمع ...واللي يسد اذنيه منها جودها
حنا بني زايد بزود افعالنا ....والزايديه كل يوماًبزودها
نفعل بفعل اجدودنا ونزوده...حيث الضرايب تتبع امهدودها
حنا هل البل من قديم اوتا لي....فنس الخشوم اللي زياناًخدودها
تفرح بنا لا صاح صياح ريبه...لا حنت الفاطر تبي مفرودها
نلحق على قباًسكنا ضهورها ...كن السهوم المطلقات اجسودها
لامن رمت بقناعها الزايديه ...على جثيل الماو ساقت قعودها
انورد الاسيف بيضاًلوامع ..ونصدر الاسياف حمراًحدودها
وشلفاًعلفها منكبود اعدانا...تمضي بحربتها ويشرب عودها
خيالت الحرشا ونعتزي بها ...عزوت حراراُ مرثتها جدودها
وخيالت الجدعا وهي عزوتنا ...لا نفخت بعض الرجال الغودها
وراعي اصخاف الشول سيفاًقاطع ...الى انتخا صاب الخيول جمودها
نرعابها غصباًعلى كل حاسد ...يبرا لها خيالها نمرودها
فرسانها مندونها تنطح العدا...باللي تقص الراس من جلمودها

ولكم مني كل الاحترام