ياراعي الجيب الجديد الرصاصي
يالي نويت تسرية يمة الغرب
اخذالرسالة معك والاحتراصي
واحذر تضيعها علية مع الدرب
خلك نبيها واعترف الاختصاصي
ولاتبدي الموضوع للهيم والجرب
خلك على الدرب الجميل امتقاصي
تلفي على رجل الثناء مكرم العرب
رجل عن اشوار الرديين عاصي
وغير العرب تلقون في مجلسة غرب
مفراص ماص ومن مفاريص ماصي
مثل الذخير الي تقادح من الحرب
الشيخ ابومطلق عزيز المناصي
تلقى شهودة من عتيبة ومن حرب
ولاترى مال اكثر الناس حاصي
كم واحد ينصاة في حزة الكرب
قلتة وانا اعرف من كلامي خلاصي
مافرق العربان بالبعد و القرب
أخبرك عن شعبن تهزهز وحاصي
مثل الثعال الي تحاوص تبي الزرب
شعب عل العلم الهزيل متواصي
والهم هوامع درب مقلوعت السرب
مثل الهنود الي بصندوق باصي
اهنود مكفولين بالأكل والشرب
وعند الوغا مثل التيوس المخاصي
والي السواني يوم قربله الغرب
عن حقهم فيهم جحام القاصي
تهربوا خوف من الرمي والضرب
هذه القصيدة لمحمد بن حويل في محمد بن هليل