[راع العلطا]

المشاركة الأصلية كتبت بواسطة مشعان البراق

,

كما وعدتكم ..
قصيده اتمنى ان ترتقي لـ ذوائقكم ,

/
/

رفعت كفي ماقدرت ارفع الصوت = لو كان فالخاطر كلام ٍ كتمته
لحظه وداع وكنها سكرة الموت = ضاع الطريق اللي من اول رسمته
ضاع الطريق وصرت في الدرب مبهوت = مدري وش اللي فاتني ما اغتنمته !
العمر مرّ وراح مع فايت الفوت = صحيح ضعت وضاع حلم ٍ حلمته
الا انت ياللي قربك لروحي القوت = لو غبت يبقى وسمك اللي وسمته
يبقى كما نقش ٍ على الصخر منحوت = حفظته بشكله ولونه وسمتّه
مهما الفراق اوجاع والبعد ممقوت = اصبح مصير ٍ من غلاك احترمته
دمع النصر لو طاح من ( عين جالوت ) = ( عين العقل ) دمع ٍ تكنّه / حشمته
ذخرت لك يافرحة العمر تابوت = فيه الغرام اللي بديته ختمته
يبقى الغصن لو مابقى فالغصن توت = تحرك انسام الذعاذيع .. صمته
سكّت وانا من موادعك مكبوت = شي ٍ تجاهلته .. وشي ٍ فهمته
حبل الرجاء من جور الايام مفلوت = ياليت قلبي عن غرامك عصمته
ياما بنيت بيوت وبيوت وبيوت = اليوم كم بيت ٍ بنيته .. هدمته

الـــبــراق مــشعــان
























الله الله يابو محارب لله درك


وصح لسانكــ حتى ترضى



نجدد الوصل والا الاعجاب منذو مبطــي