قصيده بمنآسبه فوز مطلق الموآط في مزاين ام رقيبه
بابله الوضح ونبارك له بالفوز
قالوا عن المـواط جـاب المغاتيـر= وضح ٍ على حفل المزاين عزمهـا
دحم بها جمـع ٍصفوفـه طوابيـر= شق الصفوف وفالمواقـف هزمهـا
دفع بهـا سلـم الذهـب والدنانيـر =فرصة عمر يوم سنحت له غنمهـا
أرخص لها الغالي وجاته مناحيـر =اختارها من ذود نـاس و وسمهـا
مطلق طليق الراي ريف المساييـر=من لابـة ٍكـل الرجـال تحشمهـا
جاب البكار اللي تشوق الجماهيـر=اكرم بهـا الهيـلا وقـدم سهمهـا
ما قال باجمعها واشـوف الفواتيـر =وارسل بها يـم البنـوك وحزمهـا
قام يحذفهـا فـي يديـن الهواميـر =الى اغلو الزينـه عليـه اقتحمهـا
تكفيه وضح ٍ في صورهـا تفاكيـر =سبالها شبريـن مـن تحـت فمهـا
جرد الرقاب اللي سوات البواكيـر =مع طولها عريانتـن مـن لحمهـا
فهق الغوارب والـردوم المزابيـر =أرها عليها ليـن شالـت شحمهـا
يدحم بها جمـع ٍعيونـه مطاييـر = من خاف ربه عندها مـا ضلمهـا
واما انت من روس الرجال المناعير =اللي تعـز نفوسهـا مـن شيمهـا
لاد عاصم تكرم الضيـف وتجيـر = وتدحم بجنب المقدره مـن دحمهـا
وقت اللقا مثـل السيـوف البواتيـر = وقت الرخا تعطي الولا من حكمهـا
وانا تراي بخير مـا دمتـوا بخيـر =ما همني كثـر الفلـوس وعدمهـا
لكن ششت وصاب راسي صعاطير =يوم ارتفع وسـط المزايـن علمهـا
تقهر بها العـدوان نفاخـت الكيـر=اللي تخيـب حضوضهـا وتهدمهـا
قصار اليدين ومرتخيـن الدناقيـر =الله عرف شـر النفـوس وحرمهـا
واختامها ذكر الله اخيـر و اخيـر =من فتنـة الدنيـا ولفحـت نسمهـا
وصلاة ربي عد ما رفرف الطيـر =وما لاح برق ٍفي دياجـر ضلمهـا
على النبي اللـي بعـث بالتباشيـر =عضم حرم مكـه وحطـم صنمهـا