[ناصر الحافي]

السلام عليكم ورحمة الله وبركاته

اهدي لكم هذه الأبيات واتمنى ان لاتزعجكم علماً انها ناتجه عن موقف

اترككم معها ودمتم بود,,

لاجاتني زله من هروج هراج =جيل الدعايه والغنا والمواويل
ودعتها بسكات ما احب الازعاج = ادري عن المجهول ياخابر الجيل
ما اشره على الناقص وانا خابره داج = مع شلة الغشمان غلق المناويل
درب الرخامه عندهم صار منهاج = تكرم عن لحاهم سياق الفناجيل
يامدبلجين الصوت وانواع الاخراج = في بوتقه مجهولها دون تحليل
مابيحت دعواي لو بحركم هاج = ولا ارخي كياني للردي والمهابيل
ارسلتوا المضمون من دون الأبراج = يفرح بها الدواج راع المراسيل
وقلوبكم سودا كما لمعة الصاج = من حقدكم والغيض ياأهل الأقاويل
يازين حجرتكم ورا هاك الاسياج = يحكم عليكم بالدهر والبهاذيل
ثم تحشرون بداخله مثل الانعاج = وتسقون من سم الغثا كل تذليل
تمنع زيارتكم ولاحتى الافراج = واحلامكم تجني عليكم غرابيل

ناصر بن محمد الحافي