عرض مشاركة واحدة
غير مقروء 05-Jan-2011, 10:09 PM رقم المشاركة : 8
معلومات العضو
【ツ شــرآري ღ 】
عضو
إحصائية العضو





التوقيت


【ツ شــرآري ღ 】 غير متواجد حالياً

افتراضي

قصيـدة للشـا عــر :- سعيد الغيثه يمدح بعض القبايل



نسبـه " هو الشاعر / سعيد بن سالم بن غيثة ، وينتمي إلى قبيلة الشرارات ..ولد عام 1340

قال شعراً كثيراً في الرثاء والغزل والمدح وغيـره وهـو من ابرز الشـعـرأء افي الجـزيره العربيـه

وتوفي سنة 1409هـ0

وقبل وفاته – رحمه الله – بسنوات قال هذه القصيدة التي تحكي عن حيـأة الباديـه في الماضي وعن

بعـض القبـأيـل المـجـأوره لقبيـلة الشرارات وايضـآ يمـدحـهـم

اتـرككـم مـع القصـيـده :



يوم أننا بدو على الزمل شداد *** يوم الحيا لأقطاع الأذواد يتلون

بخيرهن يشرك ضعافين واسياد *** ويشرب لبنهن من عليهم يمرون

حلابه للدر وايضاً لنا أشهاد *** ووجيه شر لمن علينا يتعدون

نرمي فقار الحيل كوماً على الزاد *** وغبوقهم لزوم يوم يتعشون

يرعن بلاد الخوف مدهال الأضداد *** يخوفون أيضاً ومنا يخافون

يرعن من الخنفة إلى البرق لأوفاد *** ومقيضهن تيما إلى الهواج يردون

ومن الكرك لمعان إلى أخضر أرواد *** ومن العقب لجبال حسما يبارون

ومن الطبيق ألكل حومل وما غاد *** فيها نعاماً والمها فيه يلقون

فيها تربى الصيد من غير نشاد *** غير السهم ماهنا سلاحا يصيدون

ومن الحديثة يرتعن صوبها غاد *** إلوادي السرحان للجوف يردون

وماحده المسما سماره إلى انقاد *** إلى الطويل وشرق شمر يحدون

وإن صار عند اطرافهن ضد واعناد *** ومن دونهن ربعاً عليهن يعيون

إلى صاح صياحاً ورا صايحاً غاد *** وهج الجهام وسارعوا من يفكون

ركبوا بني مكلب على وشح الأياد *** من فوقهن الخيل ياما يردون

فيهم على حث وفيهم على شداد *** مسار عيناً فوقهن ما يتونون

وصار الطمع من اللي يدورون الأكواد *** من السباع الغامرات يتعشون

شرقينا شمر على الموت وراد *** كم راس شيخاً عن متونه يشيلون

وجنوبنا وايل مدابيس الأضداد *** لطامة العايل ضريرين بالكون

وجنوبنا بلي صنايد الأولاد *** شجعان عن جمع العداء ما يهابون

ويحدنا بني عطيه لنا حداد *** أبو دميك اللي بفعله يفوزون

وتايه وجازي سربة شيخها أمجاد *** غربي سرغ يم التهامه يعيشون

وبني صخر تحدنا غرب من غاد *** من الدميثه للعلم شرقها ودون

قبل أجدود أشلاش وارميح واطراد *** هيل المهار اللي على الموت يردون

وغربينا الطرشان والجنق واعناد *** وأهل البطين اللي بحقه يحامون

وشمالنا شرق ألغرب تمداد *** من الجنوب للشمال فيه يرعون

الشيخ إبن هذال هو وابن مجلاد *** وبكر وإبن ضلعان واللي يضمون

وفدعان واسبعة على الكود وانكاد *** عند الطريح أن طاح لازم يردون

وارويل متعبة السلايل والاجياد *** جمع الجلاس اللي كما الحيد يرسون

يحدنا أبطال من عصر الأجداد *** فطاحل عند القبائل يهابون

لهم على العدوان هده وملكاد *** بسيوفهم قبل البنادق يعرفون

وحنا موا قفنا قديمات واجداد *** ما نستمع لقول حاسد ومجنون

لنا مواريد وسيعات وبلاد *** غرفن على روس الضوامي يصبون

حامينها من دور شداد بن عاد *** ياما عصينا به على من يريدون

مداهل لنا بها فراش وامهاد *** وتاريخنا وأثارنا مايغبون

قبل اللحاوي جد محسن وحماد *** تاريخ عام ألف وميه وخمسون

حنا العرب أسلومنا سلم الأجواد *** نفخر بها يوم السوالف يعدون

من العريش للغرب لشرق بغداد *** وغرب اليمن وأقصا الجزيرة ومادون

ومن هو له الجيش المعرب والأذواد *** والخيل وجل النيب حسينة اللون

ماديرتن ألا بها الحضر قعاد *** ولا بادية الا يجون ويمدون

وكلا على مسعاه يعمل ومداد *** الناس هم الناس بالطبع واللون

الله يخزي للثنا كل جحاد *** اللي مواقيف الرجاجيل ينسون

من العقل متجردينا تجراد *** صار الكلام الخايبينا يهذرون

شوفاتهم حدر القدم ماهن بعاد *** ماهم على ساس ولا العهد يوفون

تعبث بنسب ونسبها غير معتاد *** وتاريخهم كل القبائل يعرفون

أصل العرب معروف ياللي عنه غاد *** أسأل هل التاريخ ويش يتمطون

أصل العرب تأريخها عصر الأجداد *** يوم المغازي والمكاسب يجيبون

فيهم على أحرار وعلى مهار وأعياد *** وفيهم على خضر وشهارا يشدون

بعصر القنا والشلف ومصقول الأهناد *** يوم الكلام ألهن وفيهن يهدون

والموت يوجد عند زرفات الأذواد *** وعند الرجال اللي الخزايز يدورون

هذا كلام اللي على الصدق يعتاد *** إلى قال به فيه القبائل يقرون

مليوم يانسانا بلا ضوء تنقاد *** عيب الخطأ حيث الخطا الناس ينفون

ينقدك في قولك صغيرين الأوغاد *** ولا يقبله من كان للعلم يروون

والصدق نور بالحقيقة والارشاد *** خلوا مجالاً لأهل العرف بالكون

ناساً لهم بالمعرفة عمق وارصاد *** ومواضعاً فيها العرب يستفيدون

علامة التاريخ للعلم رواد *** هم الرجال اللي على الضوء يمشون

أعرف تاريخ الجوف هجري وميلاد *** ياللي بصفحات التياريخ تقرون

الجوف عرفه عندنا غاد ابن غاد *** من عصر ثمود إلى عصر فرعون

والجوف رحلاته قديمات وابعاد *** منهم هله يوم أهل السور يبنون .. ؟

حنا هله وأهل هله جد واعماد *** قبل بناء مارد المارد ومادون

من جاهلية ود وللي له أوداد *** اللي بعصر الجاهلية يعبدون

أسأل من خذما للمسيب إلى الباد *** والغرب والصبه بها من يزكون ..؟

لمن الجوابي بين غرسات الأغياد *** وأهل الجهام النازله من يكونون ..؟

لمن البيوت اللي تشيد تشياد *** اللي مراكبها وفرشه يمدون ..؟

وبسيطه أليا جاها من الوبل رعاد *** تيما وأهل الجوف لها يخيلون

رزق لنا من الله ولي الأعباد *** حضر وبدو من رزقها يستمدون

أسأل ولا تخفي عن الناس نشاد *** من غيرنا اللي حماها يطبون

وهالحين حنا بخير وانعام واسعاد *** وحكامنا بأمر الشريعة يعدلون

عبد العزيز اللي جلا شوك الاكباد ابن عبد الرحمن به يستعزون

المسس الباني ومن له من أحفاد *** بالسيف طوع كل عاصي ومفتون

حضارة بسرعة عمرانها زاد *** واللي تولوها رجالاً يجدون

هذا بعد هذا وهذا له اسناد *** بنيانهم في طاعة الله يشدون

عيال من يقطع رهاريه الأجراد *** له الرجال اللي يخيفون يتلون

رأس الرجال الصيرمي باتعاً عاد *** سبع الرجال اللي جنا به يهابون

ليا شاف حراً مداليه الاضداد *** طيور شلوى أليا شهر ما يطيرون

بحماية المعبود عن كل حساد *** العز جعل ألهم حليف ومضمون